వీరానుగమనం 3

వీరానుగమనం...3
ప్రేమకధ
తనగురించి చెప్పాలి‌.ప్రేమంటే తన గురించే చెప్పాలి.
టీ తాగాను
చెల్లి తెచ్చిచ్చింది.
బాలేదని చెప్పి వెల్లాను
మాకిది మామూలే. మల్లీ చేసి తెచ్చిచ్చేది
తోబుట్టవు కదా‌. కోపమంటే తెలీదు తనకు.
మంచితనానికి మానవరూపం.
ఈరోజేంటో...
తను టీ తాగలేదు అన్నయ్యా అన్నది.
టీ చేసింది నేను కాదన్నది.
అవునా...
తనంటే అభిమానం అంకురించిందపుడేనా అంటే కచ్చితంగా చెప్పలేను.
చాలా సార్లనిపించింది
తనను మొదటిసారి చూసినప్పటి నుండి
ఎక్కడికెల్లినా తనదగ్గరేదో వదిలి వచ్చినట్లనిపించేది
మనసంతా దిగులుగా
 ఏదో కోల్పోయినట్లుగా
ఏంటో అర్థం కాకపోయేది.
ఇప్పటికీ తెలీదు.
ప్రేమే నేమో అనిపించేది. కానీ ఇప్పటికీ అలాగే ...
నా మనసంతా తానేనని
తనతో గొడవ పడిన సందర్భాలు లేవు.

 ప్రతి క్షణాన్ని కళ్ళతో ఆస్వాదించాం
మొబైల్ లేని రోజుల్లోనూ మాటలకు సెలవివ్వలేదు
టెలీపతి కమ్యూనికేషన్ లో తేలిపోయాము.
కరస్పర్శ నెరుగుని అభిమానం
మనసులు పెనవేసుకున్న మధుర భావన
ఆ  మనసెందుకో నన్నల్లుకుని బందీని చేసింది
తన ఆలోచనలేని క్షణం నేను గడిపిన గుర్తైతేలేదు.
ఇది ప్రేమో కాదో
ఎవరి పనుల్లో వాల్లం
కనపడగానే .... అంతే అదేంటో
ఇప్పటికీ తెలీదు ఏమైందో ఆక్షణం ఎవరికి యెవరమో యేమౌతామో
ఇది ప్రేమకథా!!!
కాకుంటే ..ప్రేమకధలనేవే ఉండవు మరి
ప్రేమంటే నిజం తెలిసింది
ఒకరికొకరు సర్వస్వం అనిపించడం
ప్రేమంటే యేంటో తెలిసింది
తలుపులన్నీ తానై బతకడం

ప్రేమంటే దేహాలొకటవ్వడమే ననే ఆలోచన రాకపోవడం
దేశంకంటే మిన్నగా అభిమానించడం

ప్రేమంటే యేమీ ఆశించక పోవడం
ప్రేమంటే తనే తలపై గమిం
చడం.
అవును తనగురించి చెప్పాలి.
లేదంటే ప్రేమంటేమిటో యెలా తెలుస్తుంది

మౌనంగా ఉన్నానంటే తనతో మాట్లాడుతున్నాననేకదా
కళ్ళు మూసుకున్నానంటే తనను చూస్తున్నాననే కదా
తనను ప్రేమిస్తున్నాననే అనిపిస్తుంది.
 నిజమే
తొలి సారి చూసిందెపుడు
ప్రేమకు కొలతలూ, లెక్కలుంటాయా
నీటిలో ఈదుతూ నీరంటే యేమిటన్న సందేహం
యేది ప్రేమ కాదో చెప్పగలం.
ప్రేమంటే తెలిసిపోతుంది తెలపలేం
చెట్లనూ పొదలనూ ప్రేమించండి
చెట్లమాటున పొదలమాటున కాదు బోర్డుందక్కడ
ప్రేమంటే చాటు మాటు వ్యవహారం కాదు
జీవితమంటే ప్రయాణం
ఎవరి మార్గం వారిదే
ఎప్పటికీ మరువలేని జ్ఞాపకంగా తనను మోస్తూ
ఎప్పటికీ చూస్తున్నా

 కనిపిస్తే చాలు  మానస సరోవర తీరంలో మౌనంగా ఉన్నట్లనిపిస్తుంది.
ఎవరెస్ట్ శిఖరం పై ఏకాంతంగా ఉన్నట్లనిపిస్తుంది.
ఆ పాదం మోపిన చోట పూలు చల్లి పూజించాలని అనిపించదు
ఆపాదాలు తనవై పోవడానికి ఏంచేశాయో కదా అనిపిస్తుంది.
తనంటే దేహమన్న ఆలోచన కాదు
ఆ దేహం నాదైపోవాలన్న ఆలోచన రాదు.
ప్రేమంటే ప్రేమించడమే !!!!
రాజేంద్ర ప్రసాద్ సినిమా ఒకటుండె
యండమూరి నవలకు సెల్యూలాయిడ్
ప్రేమంటే
యేమైనా యివ్వగలిగే స్థితిలో ఉన్నా తానేమీ కోరకపోవడం.
ప్రేమంటే
ఏమైనా తీ‌సుకోగల స్వతంత్రమున్నా యేమీ తీసుకోకపోవడం
ప్రేమంటే తనూ నేను.
యెప్పుడూ యెక్కడా చలించని మనసుంటుందా...
ఉంటుందంటే అబద్దమే
 ప్రతిదీ ప్రేమైపోదు ఆరాధనో ఆకర్షణో
తనముందేదీ నిలబడలేదు. తానే ప్రేమంటే.
దేవాలయాని కెళ్ళినా, పూజల్లో కూర్చున్నా
తనపై నమ్మకమే తప్ప దేవుని పై కాదు
తనకోసం యేమైనా చేయాలనిపిస్తుంది
తానేమీ కోరదు
తనులేకుండా యేక్షణం గడవదు
ఈ నాలుగు అక్షరాలు రాస్తుంది తనే కదూ
ఫస్ట్ క్రష్ తనే, ఫైనల్ క్రష్ తనే
ప్రేమంటేనే తను.

..... వీరా గుడిపల్లి

వీరానుగమనం 5

Eighteen months 

4.

నాల్గవ వారం

ఆ పద్దెనిమిది నెలలు

************************

నమ్మండి నమ్మకపోండి..1

***********************

ఉద్యోగం రావాలనే ఆశ ఉండేది కానీ

ప్రత్యేకంగా శిక్షణ తీసుకున్నది గానీ చదివింది గానీ లేదు.

 వెంకట నారాయణ సార్ ను అందరూ రవి సార్ అంటారు , తను నేను సూర్యాపేట లో సరదాకి ట్యూషన్ చెబుతూ అలా హ్యాపీగా కాలం గడుపుతూ

డీయస్సీ పడగానే రాసాం.సీరియస్ గా తీసుకోలేదు ఇద్దరమూ అంతే .....నమ్మాలి.నేనైతే జీవితంలో ఇప్పటిదాకా ఏ విషయం సీరియస్ గా తీసుకోవడం జరగలేదు.

తొలి ప్రయత్నం లోనే జాబ్ వచ్చేసింది దాంతో ఆనందం .సీరియస్ నెస్ అనే విషయం సీరియస్ గా మరిచి పోయాను. ! ఇది నిజం

 నేను రాగిబావి ప్రాథమిక పాఠశాల, రవి సార్ బొడ్డు గూడెం ప్రాథమిక పాఠశాల లో జాయిన్ అయ్యాం.

మాతోపాటు ముషం శ్రీనివాస్ ప్రాథమిక పాఠశాల ముశిపట్ల ,ఉమేందర్ ప్రాథమిక పాఠశాల ఆరెగూడెం లో జాయిన్ అయ్యారు. నలుగురం మోత్కూరు లో పోతాయిగడ్డ అనే ప్రాంతంలో రెండు గదుల పోర్షన్ కిరాయికి తీసుకుని ఉండే వాళ్ళం. కిరాయి 300 రూపాయలనుకుంటా తలా 75 రూపాయలు ఇచ్చేవాళ్ళం.అదనపు బిల్లు అంటే కరెంట్ బిల్లు,నల్లా బిల్లు లాంటివేం ఉండేవి కాదు .

అందరి లో నేను ఒక్కడినే పెళ్లి ఐన వాడిని.ఐనా మా ఆవిడ తన డిగ్రీ పూర్తి చేయడం కోసం మహబూబా బాద్ లో వాళ్ళ నాన్న గారి దగ్గర ఉండడంతో నేనూ ఫోర్స్ డ్ బాచిలర్ గా వీరందరితో కలిసి ఉండడం జరిగింది.

ప్రతీరోజూ ఉదయం జాగింగ్ అనంతరం వంట చేసుకుని లంచ్ బాక్స్ సర్దుకుని నలుగురం ఒకేసారి తలా ఒక సైకిల్ పై పాఠశాల కు వెళ్లి డ్యూటీ అనంతరం నాలుగున్నర ఐదు ప్రాంతంలో మోత్కూరు చేరుకునే వాళ్ళం.

సాయంత్రం సరదాగా బస్టాండ్ వరకు వెళ్లి

లడ్డు శీను పండ్ల దుకాణం దగ్గర తలా ఒక అరటి పండు తిని అదో ఇదో సుత్తేసి అలా అలా తిరిగి టీ తాగి ,వెనక్కి వచ్చేసి వంట చేసుకుని తిని బజ్జోవడం.ఇదీ రొటీన్ దినచర్య, మా నలుగురిదీనూ...

కానీ ఈ అందరిలో ఉమేందర్ మాత్రం కసిగా చదువుతూ సబిన్స్పెక్టర్ ఆఫ్ పోలీస్ గా సెలెక్ట్ అయ్యాడు.ప్రస్తుతం డీఎస్పీ గా పనిచేస్తున్నారు.

మిగతా వారమంతా స్కూలసిస్టెంట్ గా ప్రమోట్ అయ్యాక గెజిటెడ్ హెడ్మాస్టర్ ప్రమోషన్ కోసం క్యూలో ఉన్నాం.

ఐతే స్పెషల్ టీచర్ గా పనిచేసిన ఆ పద్దెనిమిది నెలల కాలం ఏం జరిగింది అనేదే ఇక్కడ నేను ప్రస్తావించదలచుకొన్న అంశం....

5

ఐదవ వారం

*********************

పసివాడు నేర్పిన పాఠం...2

*********************

కొత్తగా ఉద్యోగం

అప్పటికే సూర్యాపేట విద్యార్థి బంధువు ఇనిస్టిట్యూట్ లో రోజుకు పది గంటలు 

ఉదయం నుండి రాత్రి ఏడు గంటల వరకు పనిచేసిన అనుభవం

ఏదో చెప్పాలని ఏదో చేయాలనే తపనతో పాఠశాల లో అడుగిడి కార్యోన్ముఖుడినయ్యాను.

కొద్దిరోజులు గడిచాయి చతుర్విధ ప్రక్రియలపై దృష్టి పెట్టడం , రాయడం చదవడం అనే విషయాన్ని ప్రాథమికంగా ఎంచుకుని పని చేయడం మొదలు పెట్టాను. నా వరకు సంతోషంగా నే సాగుతోంది ప్రయాణం. 

ఏదో సాధించాలనే తపన గాడిన పడుతోంది. పేరెంట్స్ తో రెగ్యులర్ గా టచ్ లో ఉంటూ, గ్రామస్థులతో కలిసి పోతూ పాఠశాలను ప్రతీ ఒక్కరు తమదని భావించేలా చేయడం కోసం కృషి చేయడం మొదలు పెట్టాను.

అప్పట్లో అన్నల ప్రభావం గ్రామాలలో అధికంగా ఉండేది. పని చేసే వారికి మంచి గుర్తింపు ఉండేది. అలా లభిస్తున్న గుర్తింపు తో రెట్టించిన ఉత్సాహంతో ముందుకు వెల్తున్నాను‌. అప్పుడు జరిగిందొక సంఘటన నా భవిష్యత్తు ప్రయాణ దిశను మార్చింది. నా ఆలోచనా సరళిని మలుపు తిప్పిన సంఘటన .

ఓ పసివాడు తన ఉపాధ్యాయునికి నేర్పిన పాఠమది. 

ఇప్పటికీ అది నా అదృష్టం అనే భావిస్తున్నాను.

ఆ రోజు ఎప్పటికీ మరిచిపోలేను వాడి పేరు మహేష్ అనుకుంటా వేగంగా వచ్చి నా చేయి పట్టుకొని ఆపాడు.

నేను ఏంటన్నట్లుగా చూశాను.

వాడన్నాడు " సార్ మల్లేశ్ నిన్ను రాయితో కొడతడట సార్,అదిగో చూడండి చేతిలో రాయుంది" అన్నాడు

నాకు ఆశ్చర్యం వేసింది, అటువైపు తిరిగి మల్లేష్ దగ్గరకు వెళ్ళాను. 

"ఏరా నిజమా నన్ను రాయితో కొడదామనుకున్నావా ?" అనడిగాను.

వాడిలో భయం కానీ బెదురు కానీ లేదు. అంతేనా " ఆ(( అవును సార్" అన్నాడు.

నాకు నవ్వు వచ్చింది అంతేకాదు కొంత గర్వం కూడా కలిగింది.ఎందుకంటారా? అంత కోపం లోనూ వాడు సార్ అనే పదం ఐతే అన్నాడు. చేతిలో ఉన్న రాయి కింద పడేయలేదు.

 "సరే రా.. ...కొడితే కొడుదువు గానీ

 ఎందుకు కొట్టాలనిపిస్తుంది ?" అని ప్రశ్నించాను.

ఆశ్చర్యం ఏంటంటే వాడిలో ఏమాత్రం భయం కనిపించలేదు అంతే స్పీడుగా 

"నాకు ఎక్కాలు రాలేదని మా నాయినకు ఎందుకు జెప్పినవ్ సార్ ,మా నాయిన నాకు సదువొస్తలేదని అందరికి జెప్పిండు" అని అడిగాడు. అలా అన్నప్పుడు మాత్రం వాడి కళ్ళ లోనుండి ఒక కన్నీటి బొట్టు రాలిపడింది. నా హృదయం ఎవరో పిండేసిన ఫీలింగ్ నా కండ్లు కూడా ఆర్థ్రమయ్యాయి. తప్పు చేశాననిపించింది. వెంటనే వాడిని దగ్గరకు తీసుకొని హగ్ చేసుకొన్నాను ఒక్క నిమిషం అలా ఆగి 

 "సారీరా!! మళ్లీ ఎప్పుడు కూడా అలా చెప్పను , రాయితో కొడతావా సరే కొట్టు ఈ సారికి "

అన్నాను. వాడు రాయి పట్టుకున్న చేతిని పట్టుకొని.

వాడు అప్పుడు ఏడ్చాడు అంతే కాదు నేనూహించని మాటన్నాడు

 "నన్ను కొట్టు గాని మా నాయినకు జెప్పకు సార్" అన్నాడు.

గట్టిగా దగ్గరకు తీసుకొని అలాగే ..... మళ్లీ ఎప్పుడు కూడా ఇలాంటి పొరబాటు చేయనని నాకు నేను చెప్పుకున్నాను.

ఆ తర్వాత ఆ అవకాశం వాడు నాకు ఇవ్వలేదు.

సహజంగానే వాడు ది బెస్ట్ బంగారం ఆ సంఘటనానంతరం పరిమళమలదబడిన పసిడి గా మారిపోయాడు.

నన్ను నేను భవిష్యత్తు లో మంచి ఉపాధ్యాయునిగా మలచుకునే అవకాశం ఇచ్చాడు ‌. ఆ క్షణం నుండి విద్యార్థుల పట్ల నా దృక్పథం మారిపోయింది. ఎక్కడ మాట్లాడినా సరే తల్లి తండ్రుల తో మాట్లాడే టపుడైనా నిజాన్ని సున్నితంగా తెలియజేస్తూనే విద్యార్థుల ఆత్మ గౌరవం కాపాడాలి పాజిటివ్ వైబ్రేషన్ కలిగించేలా పేరెంట్ టీచర్ మీట్ ఉండేలా చూసుకోవాలి అని నిర్ణయించుకున్నాను. మనల్ని గొప్పగా project చేసుకోవడం కోసమో ,మంచి ఉపాధ్యాయుడినని చాటుకునే అంతర్గత భావన తోనో ప్రవర్తించ కూడదు . కాంప్లైంట్ కాదు కన్విన్స్ చేయాలని, పరిష్కారం వెతకాల్సిన బాధ్యత టీచర్ దే తప్ప ,తప్పు విద్యార్థులది కాదనే దృష్టితో ఆలోచించేలా చేశాడు ఓ నాల్గవ తరగతి పిల్లవాడు. అన్నీ ఉపాధ్యాయ శిక్షణ లోనే చెప్పరు కొన్ని అనుభవాలు కూడా శిక్షణ నిస్తాయి. నాకు ఎదురైన అనేక సంఘటనలలోకెల్లా నన్ను కదిలించిన సంఘటన ఇదే ,అదీ సర్వీస్ తొలి నాళ్ళలో ఎదురవడం నా అదృష్టం కాక మరేమౌతుంది.

రాగిబాయి పాఠశాల నేర్పిన పాఠం నాకు ఇంకా గుర్తుంది. ఎప్పటికీ గుర్తుంటుంది. అభ్యసనం ఇరువైపులా జరిగింది అటు పిల్లలకూ ఇటు నాకు. ..‌.. 

6.

వీరానుగమనం 5

ఆరవ వారం

అన్నిటికంటే గొప్ప మంత్రం..3

*******************

ప్రాథమిక పాఠశాలలో చేరాను. అప్పటి వరకు పదవ తరగతి ఆ పై పిల్లలకు మాత్రమే పాఠాలు బోధించాను.ఇప్పుడు ఐదవ తరగతి లోపు పిల్లలకు పాఠాలు చెబుతుంటే కొత్తగా ఉంది సంతోషంగా ఉంది.. అమాయకంగా వారికి తెలిసిన అంటే చూసిన, విన్న, ప్రతీ విషయం మనతో షేర్ చేసుకుంటుంటారు.

పిల్లలకు పాఠాలు చెప్పడమనేది కొత్తేం కాదు. కానీ 

బడిని. ... చదువు కునే రోజుల్లో చూసిన దానికి , ఒక ఉపాధ్యాయునిగా చూసే దానికి ఎంతో తేడా కనిపించింది. 

అప్పటికే నెలకు రెండు వేలు ప్రైవేటు లో సంపాదిస్తున్నా కూడా (అప్పుడు రెగ్యులర్ స్కేల్ పొందుతున్న SGT వేతనం వెయ్యి రూపాయల లోపే ఉంది) తొలి జీతం రూ.398 అందుకున్న ఆనందం సంథింగ్ డిఫరెంట్ అన్నట్లుగా ఉంది.

రోజూ మోత్కూరు నుండి సైకిల్ పై

 ( ప్రైవేటు ఇనిస్టిట్యూట్ కరస్పాండెంట్ శ్రీ మలిశెట్టి సోమయ్య సార్ గిఫ్ట్ గా ఇచ్చిన సైకిల్ అది ) స్కూల్ కి రావడం తిరిగి సాయంత్రం మోత్కూరు చేరుకోవడం అలా అలా అంతే. 

పాఠశాలలు పర్యవేక్షణ చేయడానికి మండల విద్యాశాఖాధికారి ఉండే వారు. 

ఆ రోజుల్లో మండల విద్యాశాఖాధికారిగా సీనియర్ స్కూల్ అసిస్టెంట్ నే నియమించే వారు ఇప్పుడు అది ప్రత్యేకమైన పోస్ట్. గెజిటెడ్ ప్రధానోపాధ్యాయులతో సమాన హోదా కలిగిన ఉద్యోగం.కానీ ఆ రోజుల్లో అలా కాదు

 senior school assistant.

వారు కూడా పాఠశాల పర్యవేక్షణకు సైకిల్ పైనే వచ్చే వారు ఇప్పుడైతే కారు లేదా కనీసం బైక్ పై అదీ ఒక సహాయకునితో వస్తున్నారు.

 చాలా సాదా సీదా ఆహార్యం ఎలాంటి హంగూ ఆర్భాటం లేకుండా వచ్చే వారు.

ఒకరోజు 

ఎవరో వచ్చి బడిముందు సైకిల్ ఆపి బెల్ కొట్టారు. నేను పాఠం చదివిస్తున్నాను వినిపించుకోలేదు.మళ్ళీమళ్ళీబెల్ కొడుతున్నాడు.అంతే! నాకు కోపం వచ్చింది

 ".ఏం చేస్తున్నావిక్కడ? పిల్లలను పాఠం చదివిస్తున్నాను కనిపించడం లేదా " అన్నాను.

"నేను MEO ను నీవేనా ఇక్కడ టీచర్?" 

తన సమాధానం తో పాటు నాకో ప్రశ్న .

నేరుగా వచ్చి అడగొచ్చు కదా ఇదేం పిచ్చి అలవాటని మనసులో అనుకుంటూ

 "ఔను సార్ good morning" అన్నాను.

"ఊ(( ఊ(( ...మీ head master రాలేదా?"

ప్రతి నమస్కారం చేయడా? మనసులో ఏదో కెలికినట్లు అనిపిస్తుండగా... సార్ సెలవు పెట్టారు సార్ "అన్నాను.

అటెండెన్స్ రిజిస్టర్ తీసి చెక్ చేసి సంతకం చేశారు.

పిల్లలను చదివించారు, ఎక్కాలు అడిగారు, ఇదో అదో సరదాగా మాట్లాడారు.నా అసహనం కాస్త తగ్గింది. సాయంత్రం ఇరువురం ఎవరి సైకిల్ పై వాళ్ళం మోత్కూరు ప్రయాణం అయ్యాము. MEO గారు కూడా మోత్కూరు లోనే ఉండేవారు.దారివెంట మేం మాట్లాడుతూ వెల్తున్నపుడు ఇప్పటి లాగ ప్లాట్ లగురించో, ఫ్లాట్ గురించో కాదు పిల్లల స్థితి గతులు గ్రామాల పరిస్థితుల గురించి మాత్రమే మాట్లాడుతూ ఉన్నాం.ఇంతలో సార్ ఇళ్లు వచ్చేసింది.ఇంట్లోకి ఆహ్వానించారు. నేను కాదనకుండా వెళ్ళాను. సార్ ఫ్రెషప్ అవడానికి లోపలికి వెళ్ళాడు. నేను హాల్లో కూర్చుని ఉన్నాను .బ్లాక్ అండ్ వైట్ TV ఉన్నది.దానిపై ఫిలిప్స్ రేడియో ఉంది.నాకు బాగా గుర్తుంది రెండింటినీ ఆఫ్ మోడ్ లోనే ఉంచారు. ఒక బెంచి, రెండు చెక్క కుర్చీలు ఉన్నాయి.

గది వెనుక గది వరుసగా మూడు గదుల పోర్షన్ గోడలపై స్లాంట్ గా వేలాడదీసిన ఫోటోలు ఉన్నాయి.వాటిలో ఒకటి మహాత్మా గాంధీ ఫోటో, ఇంట్లో దేశనాయకుల ఫోటోలు ఆ రోజుల్లో చాలా మంది ఇళ్లలో కనిపించేది. ఇంతలో సార్,మేడం ఇద్దరూ బయటికి వచ్చారు మేడం చేతిలో టీ గ్లాసులు మాకు చెరొకటి అందించింది. నా గురించి ఆరా తీయడం మొదలు పెట్టింది 

 "మీ స్కూల్ లో చింత చెట్టు ఉందట గదా నాయనా ? "

"ఊళ్ళో మామిడి చెట్లు ఉన్నాయా?"

ఇలా... నేను అన్నింటికీ ఉన్నాయనే సమాధానం చెప్పాను. ఇదే దారిలో వెల్తావు కదా అప్పుడప్పుడు చింత కాయలు గానీ మామిడి కాయలు గానీ తెచ్చిచ్చి పోతావా ?? అనడం జరిగింది తనకు నేనేమీ బదులీయలేదు.

సార్ కి ఏం అర్థం ఐందో కానీ మేడం ను

  "నీవు లోపలికి వెళ్లు" అన్నాడు తరువాత సార్ తో నేనేం మాట్లాడలేదు టీ తాగి చడీ చప్పుడు లేకుండా వెళ్లి వచ్చేశాను.

ఏజ్ వలననో లేక అప్పటికే రెడ్ టేపిౙమ్ పై వేళ్ళూనుకున్న భావ జాలమో , వామపక్ష విద్యార్థి సంఘాలలో తిరిగిన ప్రభావమో కానీ నాకు చాలా కోపం వచ్చింది.అసహనంతో రగిలిపోయాను. చాలా అవమానంగా అనిపించింది.

కానీ ఎవరితో షేర్ చేసుకోవాలనిపించలేదు . తప్పెవరిది? సార్ దా? లేక వాళ్ళావిడ దా? ఏంచేయాలి??

ఆ రోజు నిద్ర పట్టలేదు చాలా రాత్రి వరకు అదే విషయం ఆలోచిస్తూ తెలతెల వారుతుండగా నిద్ర పోయాను.

నిద్ర ప్రశాంతత నిచ్చింది.

ఒక నిర్ణయానికి వచ్చాను.ఆ రోజు నుండి ప్రతీ రోజు అదే దారిలో వెళ్ళడం అతని ముందుగా వెళ్ళడం జరిగేది.కానీ యే రోజూ తనను విష్ చేయలేదు. ఐనా నాలోని అసహనం తగ్గలేదు.అవమాన భారం ఎక్కువనిపిస్తుంది.

చివరిగా ఒకసారి ఆ సర్ తో చెప్పాను ఆ రోజు మీ ఇంట్లో జరిగిన విషయం నన్ను అసహనానికి గురి చేసిందని.

 "చింతకాయ, మామిడికాయ తెచ్చిచ్చే వాడిలా కనిపిస్తున్నానా ? ఆ రోజు నుండి నేను నేనులా లేను సార్ " అన్నాను.

 "నిజమే అలా అనుండాల్సింది కాదు.... సారీ" అన్నాడు. కాస్త విచారంగా మొహం పెట్టి.

తను సారీ చెప్పిన వవిధం మనఃఃస్ఫూర్తిగా చెప్పినట్లు అనిపించింది తన మొహం చూస్తే. మరుక్షణం నా మనసు హాయిగా ఉంటుందను కున్నాను. కానీ అదేంటో

విచిత్రంగా ఉంది మరీ ఇబ్బంది అనిపించింది.అనవసరంగా సార్ ని ఇబ్బంది పెట్టానా అనిపించింది.అడిగేంత వరకు మనసు రగిలిపోయింది అవమాన భారంతో ,అడిగాక తను సారీ చెప్పాక ,తప్పు చేశానా అనిపించింది.ఎటూ తేల్చుకోలేని స్థితి. ఆ సంఘటనను అంగీకరించానా అంటే లేదు . మరి అడిగి హ్యాపీ గా ఉన్నానా అంటే అదీ లేదు. ఈనాటికీ ఆ సంఘటన గుర్తు చేసుకున్న సందర్భంలో మనసంతా మౌనంగా ఏదో బాధ.

అంటే ఆ సంఘటనను ఏ కోణంలో తీసుకున్నా నేనే బాధ పడినట్లు.. కదా !!!

నా తొందరపాటు ఫలితమది అనిపిస్తుంది.

కొంత వేచి చూడాల్సిఉండెనేమో అనిపిస్తుంది.

తను క్యాజువల్ గా అడిగిందా

ఆఫీసర్ భార్యగా అడిగిందా

ఏదో ఒకటి కానీ

నాతో ఆ సార్, సారీ అనడం నాకు తృప్తి నీయకపోగా 

తనపై ఉన్న కోపమంతా కరిగిపోయి నేను పశ్చాత్తాపం చెందేలా చేసింది.

ఓం భూర్భువఃస్వరో తత్సవితుర్వరేణ్యం

భర్గో దేవస్య ధీమహీ దియో యోనః ప్రచోదయాత్ 

క్షమాపణ కోరడం కంటే గొప్ప మంత్రం ఈ ప్రపంచంలో.. మరొకటి లేదని అర్థమైంది. 

7.

వీరానుగమనం 5

ఏడోవారం

మనదాకా వస్తే కానీ తెలియదు 4

**************************

ఏమాటకామాటే చెప్పుకోవాలి

ఈ పద్దెనిమిది నెలల కాలం ఎన్నో విషయాలు నేర్చుకున్నాను.

దసరా సెలవులకు ముందు జరిగిందా సంఘటన.

 తెల్లారితే దసరా సెలవులు అంటే ఫస్ట్ షార్ట్ టర్మ్ హాలీడేస్ ఆల్మోస్ట్ పన్నెండు,పదమూడు రోజులుండేవి. తెలంగాణ వచ్చాక ఇప్పుడు పదిహేను పదహారు రోజులకు మారింది.

రేపటి నుండి సెలవులు ఇంటికి వెళ్ళి పోవచ్చు అనే ఆనందం .మామూలుగానే హాయిగా సాగిపోతుంది నా సైకిల్ ప్రయాణం.ఆరోజు మరింత సంతోషంగా కూనిరాగాలు తీస్తూ వెల్తున్నాను.బాట వెంట ఎవరూ తారస పడరు. అది రోడ్డు కాదు. కంకరకూడా పరచబడిన జ్ఞాపకం లేదు ఇరుపక్కలా చేలూ కంచెలు ఉన్నాయి రక్షణగా నాట బడినవో అవే పెరిగినవో గాని సర్కారు కంప చెట్లు,మంగ పొదలు, వేసిన ఎనుగులతో నిండిన దారి. పనకబండ దాటి వెళ్ళాలి కదా మన రాగిబావి చేరుకోవడానికి, పనకబండ చేరుకోవడానికి కొన్ని నిముషాల ముందు సైకిల్ పై హాయిగా వస్తున్నానా అకస్మాత్తుగా ఎనుగులోనుండి దారికి అడ్డంగా ఒక నాగు పాము వేగంగా వస్తుంది.నా సైకిల్ ముందు చక్రం, పాము వస్తున్న దారులు పరస్పరం లంబరేఖలని చెప్పవచ్చు.కొన్ని క్షణాలు రెండు కలిసేందుకు ఒకేసారి భయం నరనరాన ప్రాకింది.వణుకు పుట్టింది ఇవన్నీ ఏకకాలంలో జరిగిన సంఘటనలు. ఏంచేయాలో తెలీదు ఏం చేశానో తెలీదు సైకిల్ ఎలా వదిలానో గాని స్పృహలో లేకుండా నే సైకిల్ వదిలేసి దూరంగా వెళ్లి పోయా. అక్కడ నుండి చూస్తే సైకిల్ కింద పడింది ముందు చక్రం పై పడగ విప్పిన పాము చాలా రాజసంతో కనిపించింది. కాళీయ మర్థనం ఘటనలో కాళీయుని తలపించింది.కాక పోతే పడగ మీద కృష్ణుడు నాట్యం చేయడం లేదు.

 పడగ కనిపించడంతో త్రాచు అని పోల్చుకోగలిగాను. మొదటి నుండి పామంటే విపరీతమైన భయం నాకు. కొన్ని క్షణాల పాటు నిశ్చేష్టుడినయ్యాను.పాము వెళ్లి పోయింది కానీ కొంత సేపటి వరకు సైకిల్ దగ్గరకు వెళ్ళలేదు. మరో వ్యక్తి ఇప్పటికీ గుర్తుంది అతని పేరు నర్సింహ కానీ అందరూ నర్సయ్య అని పిలుస్తుంటారు. వెనుక నుండి వచ్చాడు

 " ఏమైందయ్యా సైకిల్ మించి పడ్డావా" అంటూ పలకరించాడు . నిజానికి పేర్లు గుర్తుంచుకోవడంలో నాది చాలా వీక్ మెమొరి కానీ ఆరోజు డైరీ లో తన పేరు రాసిపెట్టాను . నేను విషయం వివరించి తనతో వెళ్లి సైకిల్ తీసుకుని పాఠశాల కు వెళ్ళి పోయాను. ఎలా వెళ్లానో కానీ ఆరోజు మహా ఆపద తృటిలో తప్పిన ఫీలింగ్ తో మనసంతా గాలిలో తేలిపోతుంది ఎక్కడో లోపల ఉన్న పెయిన్ ఆనందాన్నే డెలివరీ చేస్తుంది. తిరిగి ఇంటికి బయలు దేరే టపుడు ఆ ప్లేస్ వరకు రాగానే కాస్త ఆగి మరొకరు వచ్చే వరకు నిరీక్షించి బయలుదేరాను.

మోత్కూరు వచ్చాక మితృలతో ఈ విషయం చెప్పలేదు. మరుసటి రోజు మహబూబా బాద్ వెళ్లి ఉమాను తోడ్కొని చిత్తలూరు వెళ్ళాను.పండగకోసం.తమ్ముడు ,చెల్లె ,బావ అందరూ అప్పటికే చేరుకున్నారు.

మా బావ ,నేను డిగ్రీ కళాశాలలో బ్యాచ్ మేట్సు, తమ్ముడు, చెల్లె అంతా చాలా సరదాగానే ఉంటాం. మేమంతా ఒకే చోట చేరితే పండగ రోజు కాకపోయినా సరే ఆరోజు పండుగను తలపించాల్సిందే.

సరదా సిట్టింగ్ లో "నేను -నాగు" విషయం పంచుకున్నాను. అందరూ సీరియస్ గా విన్నారు.వెంటనే పాములు మంత్రాలు పగబట్టడాలు ఇత్యాది విషయాలపైకి చర్చ మల్లింది. మంత్రించిన బియ్యం కర్చీఫ్ లో కట్టుకోవాలని, 

"అది మూఢ నమ్మకం కదా" అంటే,

"ఏమో యెవడికెరుక ఛాన్స్ తీసుకోవడం అవసరమా " ఒకరు

అదేమో గానీ మంత్రపు దారం మణికట్టు కు కట్ట్టుకోవాలని ఒకరు,అదేంటంటే

,"తిరుపతి దారం చేతికి కట్టుకుని కలర్ వైట్ అయ్యే వరకు ఉంచుకోవడం లేదా? నాలుగు రోజులు కట్టుకుంటే ఏంటి " చెల్లె

ఇలా ఎప్పుడూ మూఢనమ్మకాల జోలికి వెళ్లని వారు, స్వతహాగా శాస్త్రీ య దృక్పథంతో ఉండేవారు అంతా కూడా ఒక్కోసారిగా డిఫెన్స్ టాక్ చేయడం మొదలైంది.

ఇదంత మనవాడికి జరిగే సరికి, మనసు బలహీనమవడం తో 

"నాలుగు రోజుల పాటు మంత్రించిన బియ్యం దస్తీలో కడితే,మంత్రం దారం మణికట్టుపై కట్టుకుంటే నష్టం ఏముంది?

ఇందులో నమ్మకాలతో పనేముంది? ఎందుకు ఛాన్స్ తీసుకోవాలి?"

అందరి అభిప్రాయం అదే.

అప్పుడు మా బాపు ఒక మాట చెప్పాడు.

పామును కొట్టడం లాంటివి జరిగితే దెబ్బ తగిలి ఎటూ తిరగలేక అక్కడే ఎనుగుల్నో పొదల్నో తల దాచుకుంటుంది.ఆకలికి దూరం వెళ్ళ లేక అక్కడక్కడే తిరుగుతుంటే ఎవరికైనా కనిపించినప్పుడు, పగబట్టి అక్కడే తిరుగుతుంది అనే నమ్మకం ,

జనాల్లో నాటుకుపోయింది. క్రమేపీ త్రాచు పాము పగ పన్నెండేళ్ళనే పాటలు పుట్టాయి. అంతే తప్ప మరేం లేదు భయపడనీకి అన్నాడు.

కానీ అలా ఉండడానికి ఎవరూ ఒప్పుకోలేదు.

సరే ....."అక్కడ ఉన్నారు ఇలాంటి విషయాలు చూసే వారు, మోత్కూరు వెళ్ళాక తప్పని సరిగా ఫాలో అవుతాను" అని చెప్పాను.

మా బాపు మాత్రం "అంతగా భయమైతే నాలుగు రోజుల పాటు వేరే దారేమైనా ఉంటే ఆ దారిలో వెళ్ళరా అన్నాడు."

నాకో ధర్మ సందేహం మొదలైంది

నేను పామునేమీ అనలేదు కానీ కొద్ది నిమిషాల పాటు సైకిల్ ఫ్రంట్ వీల్ పై పడగ విప్పి ఆడింది.

నన్ను గుర్తు పట్టి ఉండవచ్చు నా?

ఈ పగలు నిజమేనా? ఏం చేయాలి అనుకుంటూ అప్పటికి ఆ విషయం వదిలేశాం.

అంతా కలిసి ప్రతి రోజూ పండగే అన్నట్లు గా సెలవులు సంతోషంగా గడిచిపోయాయి.అందరం బయలు దేరే సమయం ఆసన్నమైంది.మళ్ళీ అందరూ అదే జాగ్రత్తలు చెప్పారు.

అమ్మ నన్ను దగ్గరకు తీసుకొని

"నువ్వు ఏది పట్టించుకోవు నాయనా జర జాగ్రత్త ఆ దారమేదో కట్టుకో మర్చిపోకు" అని చెప్పింది.

"సరే అమ్మా "అంటూ బయలు దేరాను.

మా ఆవిడను వాళ్ళ నాన్న గారు తీసుకెళ్ళారు.

ఉదయమే బయలుదేరి గట్టు సింగారం వరకు ఎడ్ల బండిమీద వెళ్లి, అక్కడ ఫస్ట్ బస్ ఉదయమే ఆరున్నర గంటలకు పట్టుకుని మోత్కూరు చేరాను.

నెక్స్ట్ డే నుండి బడికి వెళ్ళాలి. ఎలా?

ఇదే ఆలోచన, పాములేదు పగ లేదు అని ఒక వైపు,మంత్రాలు ట్రాష్ అంతా ఉత్తదే అనే ఆలోచన మరోవైపు, చదువుకునే రోజుల్లో వామపక్ష విద్యార్థి సంఘాలలో తిరిగిన అనుభవం, ఐనా ఎక్డనో కాస్త భయం. ఎక్కడినుండి వచ్చిందీ భయం? ఏం చేయాలి?

తెల్లవారుజామున లేచాను, స్కూల్ కి రెడీ అయ్యాం, నేను, ఉమేందర్,రవి, శ్రీను ఎవరి సైకిల్ పై వారు ఎవరి పాఠశాలకు వారు స్టార్ట్ అయ్యాం.పోతాయి గడ్డ మెయిన్ రోడ్ ఎక్కగానే రవిసార్ లెఫ్ట్ టర్న్ అయ్యారు మిగతా ముగ్గురం రైట్ టర్నయ్యాం.చౌరస్తా దగ్గరకు వెళ్లగానే శ్రీను, ఉమేందర్ స్ట్రైట్ గా వెళ్ళారు.నేను రైట్టర్న్ తీసుకున్నాను. నేరుగా వెల్తున్నాను ఇంతలో "వీరారెడ్డి సార్ అలా వెల్తున్నారేంటి సార్ " అనే పిలుపు టీ కొట్టు అతనిది. ప్రతి రోజూ అక్కడ టీ తాగి వెళ్ళడం అలవాటు.ఆ రోజు మరిచిపోయా.

ఆగి టీ తాగి ఈ రోజు నుండి కప్రాయ పల్లి నుండి వెల్లాలనుకున్నట్లు చెప్పాను.

"దూరం కదాసార్" అన్నాడు.

"కానీ బాట బాగుంటుంది " నా సమాధానం.

మంత్ర బియ్యం ముడి వేయలేదు, నల్ల దారం కట్టుకోలేదు.  

ఇది మెలో డ్రామా అనొచ్చా?? ఏమో మరి

నెల రోజుల పాటు అలాగే వెళ్ళాను.

ఎందుకో మనసు ఊగిసలాట

తట్టుకోలేక పోయాను.

ఏమైనా సరే పాత దారిలో వెళ్ళే తీరాలని అనుకున్నాను.

ఒక రోజు,ఆ టీ కొట్టులో టీ తాగి పాత దారిలోనే వెళ్లడం మొదలు పెట్టాను.

దగ్గర దగ్గరగా ఆ స్పాట్ రానే వచ్చింది. అక్కడ బాట పక్కనే ముగ్గురున్నారు. ఆశ్చర్యంగా ఒకతను మంట పెడుతున్నాడు.ఆగి ఏంటని అడిగాను పామును చంపానని,నాగు పాము కాబట్టి కాల్చాలని అందుకే ఇలా చేయడమని చెప్పారు.

అదీ ఇదీ ఒకటేనా? 

ఏమో కావచ్చు, కాక పోవచ్చు కానీ, 

ఆరోజు నుండి రోజు ఇదే దారిలో వెళ్లి రావడం జరిగింది. ప్రతీసారి ఆ స్పాట్ కి రాగానే ఏదో అపరాధ భావన తొలిచేది.

మనం అభ్యుదయ వాదులమనీ, సత్య వాక్పరిపాలకులమనీ,మూఢ నమ్మకాలకు అతీతులమనీ, ఏదైనా విషయం చర్చించే టపుడు ఆ చర్చలో దొర్లే సద్గుణాలన్నిటికీ మనమే ప్రతినిధులమనీ ఎదుటి వారి ముందు మాట్లాడుతుంటాం. కొండొకచో మనమూ భావిస్తుంటాము. కానీ మనదాకా వస్తేకదా తెలిసేది. బెనిఫిట్ ఆఫ్ డౌట్ ను నేను తిరస్కరించడానికి నెలరోజులు పట్టింది.

తప్పొప్పుల తలంపును దరిచేరనీయలేదు.

...... సశేషం (ఇంకా ఉంది)

*****************

ఎనిమిదో వారం

వీరానుగమనం 5

Primary school teacher 5

****************

ఆరోజు నాకనిపించింది 

అన్ని విషయాలు B Ed లోచెప్పరని. పాఠశాలలో అనేక విషయాలు నేర్చుకోవాల్సి ఉంటుందని.

ఒకటి, రెండు,మూడు, నాలుగు తరగతులలో కూర్చుంటే చాలు ఎన్నో విషయాలు తెలుస్తాయి. ప్రతీ విద్యార్థి ఒక లోకల్ ఛానల్.మొదట మనల్ని మాట్లాడనివ్వరు.వారు చెప్పేవన్నీ వినాలి.వాళ్ళింట్లో ఏం జరిగిందో, గ్రామంలో ఏం జరిగిందో,ఏ సీ సీ కెమెరా చూడని,ఏ వార్తా పత్రికలో ప్రచురించని,అనేక విషయాలు మనతో పంచుకుంటారు.అన్ని విషయాలు శ్రద్ధగా వినాలి జెశ్చర్స్ ఇవ్వాలి. కామెంట్స్ చేయగూడదు ఔనా!! అనే ఆశ్చర్యం ప్రకటించడం వరకు సరే.

( మనలో మన మాట ఏ కోర్టు కనుక్కోలేని న్యాయం,ఏ పోలీసు విచారణలో తేలని నిజాలు ప్రాథమిక తరగతుల పిల్లలతో పది నిమిషాలు గడిపిన ఉపాధ్యాయులకు తెలిసిపోతాయి , కాకపోతే చెప్పిన ఫీలింగ్ వాడికుండదు,విన్న ఉపాధ్యాయుడు తననుండి విషయం అవతలి కోర్టు కు విసరడు అంతే !!! అదో చిదంబర రహస్యం)

చర్చి ఫాదర్ వలె వినాలి తప్ప పాస్ ఆన్ చేశామో.... అంతే!!.మన పరిస్థితి ఆగమే.

మనంత నమ్మక మైన మనిషి, తెలివైన వాడు, జ్ఞాని ,వాడి దృష్టి లో మరొకరుండరు. 

మన మాటే శాసనం, తల్లి తండ్రుల మాట కంటే కూడా మనమాటే ఆ పసి హృదయానికి ఎక్కువ. కావలసిందల్లా శ్రద్ధగా వినడం

ఎన్ని విషయాలు తెలుస్తాయో!! గ్రామంలోని అనేక గొడవలకు అసలైన కారణాలు, ఎన్నో రహస్యాలు, అలవోకగా ఏ పక్షం వహించని పసివారు అలా చెప్పడం మనం లౌక్యం తో ఏమీ తెలియనట్టు ఉండడం సహజం. ప్రైమరీ టీచర్ కు అన్ని విషయాలు తెలుస్తాయి కానీ ఒక యోగిలా మసలుకుంటాడు. చిరునవ్వు రువ్వుతూ దొంగెవరో దొరెవరో తెలిసినా ఏమీ తెలియని వాడిలా ఉంటాడు.

తన శిష్యులకు దైవ సముడు.

 వారి రాత రాసే బ్రహ్మ, వారికి రాత నేర్పే గురువు. కల్లాకపటం తెలియని పిల్లలతో గడిపే సమయం ప్రతీ రోజు లభించే వరం.

పిల్లలకు తానో నమ్మకమైన నేస్తం. వారు చెప్పడం ఐపోయాక మన పాఠం మొదలౌతుంది. అప్పుడు మనం ఏం చెప్పినా వాడి బుర్ర స్వీకరించడానికి సిద్ధంగా ఉంటుంది. అలవోకగా నేర్చు కుంటారు. కానీ ప్రతీ క్షణం మన ధ్యాస వాడి పైనే ఉండాలి వాడే మన మొదటి ప్రయారిటీ కావాలి. మనం చెప్పిందే ఫైనల్ కదా!!!

ఆ కాలంలో అక్షరాలు దిద్దించడం, వల్లె వేయించడం, డిక్టేషన్ చెప్పడం ఉండేది.

పలకపై అక్షరం రాసి ఎలా దిద్దాలో చెప్పి నంత మాత్రాన పనైపోదు. పలుకుతూ దిద్దుతున్నాడా లేదా అనేది అనుక్షణం మనం గమనిస్తుండాలి. ఏమరుపాటుగా ఉన్నామా బలపం పడుకో బెట్టి ఏదో రాగం తీస్తూ రుద్దేస్తాడు. పలకంతా పనిమంతుడి లెక్క. పలక శుభ్రం చేసుకునే విధానం చెప్పాలి ప్రతీ సారి ,లేదంటే ఉమ్మేసి రుద్దేస్తాడు. అంతటి సహనం ప్రతిసారీ చూపాలి.

కోప తాపాలకు తావివ్వకుండా ఉండాలి, రోజంతా చిరునవ్వు ను వదలకూడదు.అందుకే ప్రాథమిక ఉపాధ్యాయుడంటే సహనానికి ప్రతిరూపం .....లేదంటే ...

ఆ రోజు వృథా అయిపోయినట్టే. కోప్పడ్డామా అంతా ఐపోయినట్లే ??

తప్పు వాడిది కాదు. ఏమరుపాటుగా ఉన్న మనది అంతేనా? ...ఆ పసి మొలకల పై అసలు కోపం ఎలా వస్తుంది? ఓ చిరునవ్వు మన మోము పై ప్రాణం పోసుకుంటుంది. ప్రాథమిక ఉపాధ్యాయుడంటే మాతృ మూర్తి మరో అవతారం.

వారి ప్రతీ చర్య ను ఆస్వాదించాల్సి ఉంటుంది.

బడి వదిలే సమయానికి అంతా ఇంటి దారి పడుతుంటే ఏదో కోల్పోతున్న భావం మనసంతా ... అందుకే ఆ పద్దెనిమిది నెలల కాలం నా వృత్తి రీత్యా అత్యంత కీలకమైన సమయం అంటాను నేను.

 ఇప్పుడు బోధనాభ్యసన ప్రక్రియ రూపం మార్చుకుంది. ఏ పద్ధతి మంచిదనేది వేరే విషయం.ఏరోజుకారోజు

 నేను ఈరోజే మొదటి సారి పాఠం చెబుతున్నానన్నంత ఫీల్ ఉంటే నే వృత్తికి న్యాయం చేయగలరు ఉపాధ్యాయులు. ముఖ్యంగా ప్రాథమిక పాఠశాల విద్యార్థుల విషయంలో ఇది ముమ్మాటికీ నిజం.

ప్రాథమిక పాఠశాల లో పనిచేసిన అనుభవం మిగతా సర్వీస్ అంతటికీ పునాదిగా భావిస్తున్నాను.

అక్షరాలు దిద్దించాం. ఎక్కాలు రాబట్టి/బట్టీ పట్టించాం. (తప్పని చెబుతున్నా తప్పని సరై చేయాలని) . డిక్టేషన్ క్రమం తప్పకుండా చేయించాం.లెసన్ రీడింగ్ ప్రతీరోజూ జరిగేది.సాయంత్రం ఓరల్ డ్రిల్లింగ్.చివరి అరగంట లౌడ్ రీడింగ్.నలబై దాటని సంఖ్య ఇరువురం ఉపాధ్యాయులం... అలా పద్దెనిమిది నెలలు..... ఇంకా ఉంది.

తొమ్మిదవ వారం

ఎప్పుడొస్తరయ్యా ???..6

*******************

అయ్యా !!!! బాగున్నారా??

ఆ((( బాగున్నాం. అంటుండగానే ఏదో చెప్పడం మొదలు పెట్టాడు.

మోత్కూర్ లో...

సాయంత్రం సరదాగా ఏటొడ్డుకు వెళ్లి ఇసుకలో అటూ ఇటూ తిరిగి అప్పుడే నిర్మాణం పూర్తి కావస్తున్న బ్రిడ్జి మీద కూర్చుని కబుర్లు చెప్పుకుంటూ ఉండే వాళ్ళం చీకటి పడేవరకు.

ఆరోజు అలాగే సరదాగా తిరిగి తిరిగి  చీకటి పడేవరకు బ్రిడ్జ్ పై కూర్చుని, ఎందుకో రోజుకంటే ఎక్కువ సేపు కూర్చున్నాం .బాగా చీకటి పడింది. రూం కు బయలు దేరుదామని లేవబోతుంటే ఆ పెద్ద మనిషి వచ్చాడు. అయ్యా బాగున్నారా అంటూ. ఆ(( బాగున్నాం అంటుండగానే ఏదో చెప్పడం మొదలు పెట్టాడు.

లేవబోయిన వాళ్ళం కూర్చుని తను చెప్పేది వినడానికి సిద్ధపడ్డాం.

అయ్యా !!! నాది ఇక్కడికి ఆరు మైళ్ళ దూరంలో ఉన్న గ్రామం. గుండాల మండలం. నా పేరు నర్సయ్య. అని చెప్తున్న తను ఎవరో మాకు గుర్తు రావడం లేదు. తను మాత్రం మేమెంతో పరిచయమున్న వాడి లా చెప్తున్నాడు. మీరెవరని మేం అడగలేదు తను చెప్పే విషయం వింటూ ఊ((,ఆ(( అనడం చేస్తున్నాం.

తన కుటుంబ సమస్య అది. భూ తగాదా, అన్నదమ్ముల మధ్య వ్యవహారం.తనకు సరియైన వాటా దక్కలేదని, తన అన్న దమ్ములు,   తండ్రి, తనపై దాడి చేశారని, కొందరు పెద్ద మనుషులను కూడా  కొన్నారని, అందువల్ల వారికే  మద్దతు పలుకుతున్నారని ఆ మాటల సారాంశం.  మేం , అది అన్యాయం కదా అలా చేయడం తప్పు కదా అని కాస్త సానుభూతి వ్యక్తం చేశాం. వన్ సైడ్ వెర్షన్ విని న్యాయ నిర్ణయం చేయ గూడదని తెలుసు కానీ సానుభూతి తెలపడానికి అదేం అడ్డు కాదన్న లోకరీతి ఫాలో అయ్యాం. సరే పెద్దాయనా ! మరి వస్తాం ...అంటూ లేచాం.

అప్పుడన్నాడు అతను " అన్నా ఎప్పుడొస్తారు మరీ "

ఎంత చిన్న వారైనా సరే ,అందరితో అన్నా అని పిలిపించుకోగలిగేది ఆ ...అన్నలు మాత్రమే కదా!!!

మాకు అప్పుడు వెలిగింది బల్బు.మమ్మల్ని చూసి తను అన్నలని అనుకుని ఇంత కథ చెప్పాడని. నిజానికి అతను ఏ మాత్రం మాకు తెలిసిన మనిషి కాదని.

మా అవతారాలు గుర్తుకు వచ్చాయి ఒకసారి.

దువ్వకుండా వదిలేసిన జుట్టు, పెరిగిన గడ్డం అఫ్ కోర్స్ ట్రిమ్ చేసిన గడ్డం. రెడ్ కలర్ టీ షర్ట్, ఇరవై నాలుగు, ఇరవై ఐదు సంవత్సరాల వయసు కలిగిన యువకులం.

అది అన్నల ప్రజా దర్బార్లు నడుస్తున్న సమయం. ఒక రైలు బోగీ తగల బెట్టబడిన కాలం.  ఎర్రజెండాను కాస్త ప్రజలు ప్రేమిస్తున్న సమయం, వారిపై ప్రజలు నమ్మకం పెంచుకున్న రోజులు. ప్రజల్లో అపారమైన అనవచ్చో లేదో కానీ కాస్త మెండుగా నమ్మకమున్న కాలం.

విద్యార్థిగ కాలేజ్ టైం లో పీడీయస్ యూ లో తిరిగి, వామ పక్ష సాహిత్యం చదివిన మాకు వారి పట్ల సదభిప్రాయం ఉండేది.

హఠాత్తుగా ఈ సందర్భం ఎదురయ్యే సరికి మాకు ఏం చెప్పాలో పాలు పోలేదు.

మేం అన్నలం కాదని, ఉపాధ్యాయుల మని తనతో చెప్పినా, అతను నమ్మడం లేదు

"సరే అయ్యా అలాగే చెబుతా గానీ, ఎన్నడు వస్తారు? ఎప్పుడు వస్తారు? "

అతని ప్రశ్న.

కాస్త విడమరిచి విపులంగా వివరించాక

"సరే గానీ అన్నలు ఎప్పుడు వస్తారు మరి ఇక్కడికి" మరో ప్రశ్న.

మాకు తెలీదన్న జవాబు విని నిరాశగా వెనుదిరిగి వెళ్ళిపోతూ మావైపతను చూసిన చూపులోని అర్థాలు...

వసంతం కోసం ఎదురు చూసే ముందు

 "శిశిరాన్ని ఎదుర్కోవాలని తెలిసినా

రాలే ఆకుల్ని చూసి 

వాడిన మోడులనుకోవడం వెనకున్న

 అమాయకత్వం.

అందిందనుకున్న అవకాశం ఏదో అందకుండా పోయిందన్న బాధ

వెతుకులాట ముగిసిందనుకుంటే , మళ్ళీ మొదటికి వచ్చిందన్న ఆవేదన

ఒకటా రెండా.... "

ఒకసారి బాధనిపించింది. 

పాపమనిపించింది.

ప్రజాకోర్టుల పేరుతో జరిగిన తష్వాలు,కొంత ఖేదం కొంత మోదం, కొందరికి న్యాయం కొందరికి అన్యాయం ధ్వనించిన రోజులు.

 కొంత కాలం తాత్కాలిక ఉపశమనం కలిగించిన క్షణాలవి. కానీ శాశ్వత పరిష్కారాలు గా భావించి ఇచ్చిన మద్దతు కొందరి మోములో చిరునవ్వు, కొందరిలో విషాదం మిగిల్చిన సమయం.

అన్నల రాజ్యం నడిచిందనలేం కానీ, కొంత కాలం ప్రజలు అన్నల రాజ్యం వచ్చిందా ,వచ్చేస్తుందా?అన్న భావనకు మాత్రం వచ్చారు. ఇదెంత కాలం?  అనే సందేహం అందరిలో ఉన్నా..... సశేషం (ఇంకా ఉంది)

వీరానుగమనం 5 .ఆ 18 నెలలు

వీరానుగమనం 5

ఆ పద్దెనిమిది నెలలు

****************************************

నమ్మండి నమ్మకపోండి

ఉద్యోగం రావాలనే ఆశ ఉండేది కానీ

ప్రత్యేకంగా శిక్షణ తీసుకున్నది గానీ చదివింది గానీ లేదు

 వెంకట నారాయణ సార్ ను అందరూ రవి సార్ అంటారు , ఆయన,నేను  సూర్యాపేట లో సరదాకి ట్యూషన్ చెబుతూ అలా హ్యాపీగా కాలం గడుపుతూ

డీయస్సీ పడగానే రాసాం.

జాబ్ వచ్చేసింది అంతే ఇది నిజం

అంతే సరదాగా నేను రాగిబావి ప్రాథమిక పాఠశాల, రవి సార్ బొడ్డు గూడెం ప్రాథమిక పాఠశాల లో జాయిన్ అయ్యాం.

మాతోపాటు ముషం శ్రీనివాస్ ప్రాథమిక పాఠశాల ముశిపట్ల ఉమేందర్  ప్రాథమిక పాఠశాల ఆరెగూడెం ,నలుగురం మోత్కూరు లో పోతాయిగడ్డ అనే ప్రాంతంలో రెండు గదుల పోర్షన్ కిరాయికి తీసుకుని ఉండే వాళ్ళం. కిరాయి 300 రూపాయలనుకుంటా తలా 75 రూపాయలు ఇచ్చేవాళ్ళం.అదనపు బిల్లు అంటే కరెంట్ బిల్లు,నల్లా బిల్లు లాంటివేం ఉండేవి కాదు .

అందరి లో నేను ఒక్కడినే పెళ్లి ఐన వాడిని.ఐనా మా ఆవిడ తన డిగ్రీ పూర్తి చేయడం కోసం మహబూబా బాద్ లో వాళ్ళ నాన్న గారి దగ్గర ఉండడంతో నేనూ ఫోర్స్ డ్ బాచిలర్ గా వీరందరితో కలిసి ఉండడం జరిగింది.

ప్రతీరోజూ ఉదయం జాగింగ్ అనంతరం వంట చేసుకుని లంచ్ బాక్స్ సర్దుకుని నలుగురం ఒకేసారి తలా ఒక సైకిల్ పై పాఠశాల కు వెళ్లి డ్యూటీ అనంతరం నాలుగున్నర ఐదు ప్రాంతంలో మోత్కూరు చేరుకునే వాళ్ళం.

సాయంత్రం సరదాగా బస్టాండ్ వరకు వెళ్లి

లడ్డు శీను పండ్ల దుకాణం దగ్గర తలా ఒక అరటి పండు తిని అదో ఇదో సుత్తేసి అలా అలా తిరిగి  టీ తాగి ,వెనక్కి వచ్చేసి వంట చేసుకుని తిని బజ్జోవడం.ఇదీ రొటీన్ దినచర్య మా నలుగురిదీనూ...

కానీ ఈ అందరిలో ఉమేందర్ మాత్రం కసిగా చదువుతూ సబిన్స్పెక్టర్ ఆఫ్ పోలీస్ గా సెలెక్ట్ అయ్యాడు.ప్రస్తుతం డీఎస్పీ గా పనిచేస్తున్నారు.

మిగతా వారమంతా స్కూలసిస్టెంట్ గా ప్రమోట్ అయ్యాక గెజిటెడ్ హెడ్మాస్టర్ ప్రమోషన్ కోసం క్యూలో ఉన్నాం.

ఐతే స్పెషల్ టీచర్ గా పనిచేసిన ఆ పద్దెనిమిది నెలల కాలం ఏం జరిగింది అనేదే ఇక్కడ నేను ప్రస్తావించదలచుకొన్న అంశం...... సశేషం 

ఇట్స్ వీరాస్ వర్డ్

 

11:02 PM, 10/21/2020] 

డాడీస్ ఆర్మీ

పోయినేడు వారిదే

ఈ యేడూ వారిదే

ఔనది డాడీ‌స్ ఆర్మీ

ఇట్స్ వీరాస్ వర్డ్.... 1

మూడబిద్రి

ఒకటి కొకటి పోలికే లేదు

వేలిముద్రల్లా కంటి పాపల్లా

ఔనది  మూడబిద్రి

ఇట్స్ వీరాస్ వర్డ్.... 2

షబే మేరాజ్

మంచి చెడులు తెలిసిన రోజు

భక్తునితో భగవంతుడు పలికినరోజు

షబే  మేరాజ్

ఇట్స్ వీరాస్ వర్డ్... 3

ప్రత్యర్థి

పక్కవారితో పోల్చుకోకు 

పైకొస్తావంది పరమేశ్వరణ్

నీకు నీవే ప్రత్యర్థి కావాలి

ఇట్స్ వీరాస్ వర్డ్... 4

డాక్సింగ్ డాగ్

నమ్మకాన్ని ఖూనీ చేశావ్

అభిమానాన్ని అమ్మకానికి పెట్టావు

డాక్సింగ్ డాగ్

ఇట్స్ వీరాస్ వర్డ్...5

హే డే

ఒక్క రోజు తో రాలేదు

ఒక్కడిగా చేరుకోలేదు

హేడే

నీవిచ్చిన ధైర్యమది

ఇట్స్ వీరాస్ వర్డ్...  6

సంగీతా శర్మ

అవసరమై అడుగేసి

నేర్చుకుంటూ నేర్పుతుంది

అనుభవాలకు ఆధునిక తను జోడించమంటుంది సంగీతా శర్మ

అన్నదాతలకాలంబనై

ఇట్స్ వీరాస్ వర్డ్... 7

ఏలేటోడికి మనసుండాలి

గంతలతో నామినేషన్

ఒకేచోట వందల మంది 

ఏలేటోడికి మనసుంటే 

అన్నీ నిరసన రూపాలే

ఇట్స్ వీరాస్ వర్డ్...8

బ్యూటీ పార్లర్

అందం ఆరోగ్యం కవల పిల్లలే

అందుకే

తీహార్ జైలులో బ్యూటీ పార్లర్

ఇట్స్ వీరాస్ వర్డ్...9

టెడియా భానుమతి

కృంగిపోవడం ఖర్మను కోవడం

మా రక్తం లో లేదు

టెడియా భానుమతి వారసులం

ఇట్స్ వీరాస్ వర్డ్...10

బీ బ్రేవ్

నీదో ఊరు నాదో ఊరు

నిద్రలో గూడా నన్నే కలవరిస్తావు

నీ బాదేంటసలు  బీ బ్రేవ్

ఇట్స్ వీరాస్ వర్డ్....11

ఊతమివ్వడం ముఖ్యం

గెలుపోటములు ముఖ్యం గాదు

మేమున్నామని ముందడుగేశావు

లాల్ త్లమౌనీ

ఉనికికి ఊతమవడమే విజయం

ఇట్స్ వీరాస్ వర్డ్...12

మైండ్ ట్రీ

ఓడిపోయే యుద్ధమెందుకు

మధ్యే మార్గం మైండ్ ట్రీ

అందరూ విజేతలే

ఇట్స్ వీరాస్ వర్డ్...13

నిరసన రూపం

బ్రతుకంతా భయం లేకుండా బతకడం

ప్రజా స్వామ్య పరిమళం

చావడానికి యనుమతంటే చక్కని నిరసనరూపం

ఇట్స్ వీరాస్ వర్డ్..... 14

సూర్య కాంతం

ఆపేరు నెంత ప్రేమించిందో

మరెవరూ పెట్టుకోకుండా

సూర్య కాంతంసూపర్ స్టార్ 

ఇట్స్ వీరాస్ వర్డ్....15

సింపుల్ టన్

నిన్ను నీవు విసిరేసుకోకు

అరిచినంతమాత్రాన అందుతుందా

అందమైన చందమామది

ఇట్స్ వీరాస్ వర్డ్... 16

స్కేర్ క్రో

చేసేదేం లేకున్నా చేయాల్సినదెంతున్నా

నిన్నొదుల్కోం

మనకో స్కేర్ క్రో కావాలి

ఇట్స్ వీరాస్ వర్డ్... 17

వోటు

ఆయనందించిన ఆయుధం

అందరినీ నా గడపకు పంపింది

వేసేతీర్తాను

ఇట్స్ వీరాస్ వర్డ్.... 18

యూ ట్యూబ్

టైం పాస్ కావాలన్నా టైం వేస్ట్ చేయాలన్నా

టైం దిద్దుకోవాలన్నా

అక్కరకొచ్చే చుట్టం యూట్యూబ్

ఇట్స్ వీరాస్ వర్డ్...19

గీతలు

ఆరొందల కోట్లను ఆరు రాశులు జేసి (1200/2,12/2)

చేతుల్లో గీతలు గీసి జెప్పిన 

సదువుకుంటవో సదివిచ్చు కుంటవో

 ఇట్స్ వీరాస్ వర్డ్... 20

మనింటి ముందుకే

అవసరాలే అన్నీ శా‌సిస్తాయి

చార్మినార్ సికింద్రాబాద్

మెహదీ పట్నం, ఎల్బీనగర్

మనింటిముందుకే మాంసాహారం

ఇట్స్ వీరాస్ వర్డ్... 21

స్మితా సబర్వాల్

సాధించాలనే సంకల్పం, సాహసాల సమాహారం

నిస్తేజాన్ని ఊడ్చేయడం చైతన్యాన్ని నింపిపోవడం

స్మితా సబర్వాల్ నైజం

ఇట్స్ వీరాస్ వర్డ్.,22

స్మితా సబర్వాల్

రూపెత్తిన మంచితనం,అలదుకున్న యభినివేశం

కదిలొచ్చే ధైర్యం, కనిపించే నమ్మకం

స్మితా సబర్వాల్

ఇట్స్ వీరాస్ వర్డ్... 23

మల్లడగను

ఎండల్ని తగ్గించేస్తా,వానల్ని కురిపించొస్తా

చలిలేకుండా చేస్తా బబ్బాబు వోటెయ్యండి

మల్లడగను నమ్మండి

ఇట్స్ వీరాస్ వర్డ్...24

ఏటీయం

ఎనీ టైం మనీ, ఎనీ టైమ్ వాటర్

ఎనీ టైం వోటుంటే నా సామిరంగా

ఎవ్రీ టైం మావెంటుండే టోళ్ళు గదా

ఇట్స్ వీరాస్ వర్డ్... 25

తప్పే

లేనోని గురించి మాట్లాడుకోవడం తప్పే గాని

రోజు నాల్గుసార్లనుకోవాల్సి వస్తాంది.....

దేవుడా

ఇట్స్ వీరాస్ వర్డ్...26

చతురంగ బలాలు

ఆర్మీ నేవీ ఎయిర్ ఫోర్స్

నాల్గవది గా ఇస్రో

పదాతి అశ్విక గజదళాలతో

లొట్టిపిట్టలో,రధాలో

నాడైనా నేడైనా చతురంగ బలాలే

ఇట్స్ వీరాస్ వర్డ్...27

రోడ్లమీద నే

పన్జేసేదెక్కడైనా,అప్పెండౌన్ హైదరాబాద్

సగంజీవితం రోడ్లమీద నే

ఇట్స్ వీరాస్ వర్డ్...28

ఓటమి లేదు

గెలిపించామనుకోవడంలేదు

గెలిచామనుకుంటున్న వోటర్

పోరుబాటకు ఓటమి లేదు

ఇట్స్ వీరాస్ వర్డ్.. 29

అలుగుదాటింది

వోటేసి ఓడిపోవడం అలవాటైన నేను

నన్నే గెలిపించుకున్నానిన్నాళ్ళకు

తనకు వోటేసి

ఆవేశం అలుగు దాటింది

ఇట్స్ వీరాస్ వర్డ్..30

రోడ్లంటుకుంటున్నాయి

అరికాళ్ళు బొబ్బలెక్కుతున్నాయి

ఒళ్ళంతా మంటలు

రోడ్లంటుకుంటున్నాయి

ఇట్స్ వీరాస్ వర్డ్...31

అగ్నిపునీతులు

ఎండాకాలం ఎన్నికలు

అగ్ని పునీతులౌతున్న అభ్యర్థులు

ఇట్స్ వీరాస్ వర్డ్...32

షా ఔట్

అసాధ్యమన్నదే లేదు నొప్పన్నదే తెలీదు

షా ఔట్

జో కామెరాన్ అవనిపై అధ్భుతం

ఇట్స్ వీరాస్ వర్డ్...33

ఎర్రబస్సు

పల్లెవెలుగు వచ్చింది

ఎర్రబస్సు మాయమైంది

యాప్ గా మారి మొబైలెక్కింది

ఇట్స్ వీరాస్ వర్డ్..34

గెలవడం కోసం

గెలిపించేందుకు కాదు ఓటేసేది

గెలవడం కోసం వేయాలి

ఆయుధాన్ని అందించిన అంబేద్కర్ దీవించేలా

ఇట్స్ వీరాస్ వర్డ్...35

నేనోడిపోను

నేనెప్పుడూ ఓడిపోను 

ఎందుకంటే

నా లక్ష్యం నీ గెలుపు కదా

ఇట్స్ వీరాస్ వర్డ్... 36

తప్పు

ఆయుధాన్ని తప్పుపట్టడం మూర్ఖత్వం

ప్రేమిద్దాం.... సరిగ్గా చంపినందుకు

ప్రయోగించిన వారిది కదా తప్పు

ఇట్స్ వీరాస్ వర్డ్... 37

బ్రతుకాలనుకున్నాక

ఒక్కటే పని 

నన్ను నేను కవిత్వం చేసుకోవడం

బ్రతకాలనుకున్నాక తప్పదు మరి

ఇట్స్ వీరాస్ వర్డ్....38

గీతలు

పొమ్మని ఇక్కడ పాస్పోర్ట్ ఇవ్వాలి

రమ్మని అక్కన్నుండి వీసా రావాలి

ఎవరు గీసిన గీతలవి

ఇట్స్ వీరాస్ వర్డ్...39

 

ఉన్నట్లా

అక్షరమై ఇక్కడ వాలి

వాక్యమై నీకోసం కదలనపుడు

 ఉన్నట్లా ఇంకా

ఇట్స్ వీరాస్ వర్డ్...40

మార్పు

బావి నీళ్లు ,బోరు నీళ్లు,వాగునీళ్ళు నాడు

కిన్లీ,బిస్లరీ,ఆక్వా  నేడు

మార్పు మంచిదేనా

ఇట్స్ వీరాస్ వర్డ్....41

చప్పట్లే

అన్ని మస్తకాలు కలిసినచోట

ఎన్ని పుస్తకాలు కన్పిస్తాయో అనుకుంటే

దుప్పట్లు చప్పట్లే

ఇట్స్ వీరాస్ వర్డ్.... 42

రుచి

వండిన వంటలోనో

వడ్డించే చేతుల్లోనో కాదు

ఆకొన్నవాడి ఆకల్ని బట్టి ఉంటుంది

ఇట్స్ వీరాస్ వర్డ్...43

నీ మాట

ఏటికాల్వకు మాకులేశి పంచుకున్నట్లు

నీ నవ్వు

నేలదారుల మాటమీద ఊరంతా నడిచినట్లు

నీమాట

ఇట్స్ వీరాస్ వర్డ్...44

పంచాంగం

పీఆర్సీ రాకుండా నే

ఆదాయవ్యయాలు ఐదూబై రెండు

రాజపూజ్యం ఐదూబై నాల్గు

ఇట్స్ వీరాస్ వర్డ్..45

పుణ్యం=

కూలిపోతుందనుకున్న దూలాన్ని

మొగురం బోయి ఆదుకున్నది

మండువా లోగిలి ఏం పుణ్యం చేసుకుందో

ఇట్స్ వీరాస్ వర్డ్...46

ఛాన్సుందా

నా మాటే నెగ్గాలని నీవు

నీమాటే నెగ్గాలని నేను

మనం గెలిచేఛాన్సుందా

ఇట్స్ వీరాస్ వర్డ్...47

ఏంట్రా ఇది

కాలం దైవసమానమంటాడు వాడు

మతిలేనోడు కూడా చికాకు పెడుతున్నాడంటే నవ్వెళ్ళిపోతావు

ఏంట్రా ఇది

ఇట్స్ వీరాస్ వర్డ్...48

నమ్మవేంట్రా

బ్రతికే ఉన్నాడంటే నమ్మవేంటి

ఉగాది నాడు 

నీ దదే ప్రశ్న నాదిదే జవాబు

నమ్మవేంట్రా 

ఇట్స్ వీరాస్ వర్డ్... 49 

సాహితీ సేద్యం

అక్షరం నీవై .. వాక్యం నేనై

కవితంతా మనమై

సాహితీ సేద్యం చేస్తున్నాం

ఇట్స్ వీరాస్ వర్డ్...50

హరివిల్లు

ఆకాశం లో లేౙర్ లైట్

చినుకూ చిఱుఎండ ల 

కాపురానికి సాక్ష్యం

ఇట్స్ వీరాస్ వర్డ్..51

గాలిగోపురం

కాలిగోపురం గాలిగోపురమైంది

దగ్గర కొచ్చావచ్చేయమని పిలిచే

మూగ కట్టడం

ఇట్స్ వీరాస్ వర్డ్...52

పంచాంగం

ఎవరికి నచ్చిన జాతకం వారికి చెబుతున్నారు

పంచాంగం కూడా ఏ గడప పాట ఆగడపదగ్గరే

ఇట్స్ వీరాస్ వర్డ్... 53

రజనీ

ఊరిస్తున్న ఊపిరి

ప్రజా హృదయాలు పరితపిస్తున్న

పాదరసం

ఇట్స్ వీరాస్ వర్డ్...54

లిబియా

నాడు గడాఫీ నేడు హఫ్తార్

నేలవిడిచి సాము జేసిన

సంపన్నుల కన్నుబడ్డ సంపన్న దేశం

ఇట్స్ వీరాస్ వర్డ్...55

తప్పు కాదు

వెటరన్స్ కు విశ్రాంతి నివ్వడం 

వెఱ్ఱి పోకడనుకుంటున్నావు

జాతి క్షేమమే

లక్ష్యమని చాటిచెప్పిన నేత తాను

విశ్రాంతి నివ్వడం తప్పుకాదు

ఇట్స్ వీరాస్ వర్డ్...56

ఎఫెసు చర్చి

ఏమైనా జరిగుండొచ్చు 

నేడు శిథిలావస్థలో పడుండొచ్చు

జనావళిని జాగృతం చేసిన జ్ఞానక్షేత్రం

ఇట్స్ వీరాస్ వర్డ్... 57

పేటెంట్

ఈ పండుగ లెందుకో పాతబడవసలే

కొత్త వెందుకు బుట్టడం లేదో 

పేటెంట్ ఆనాటినుండున్నట్లుంది

ఇట్స్ వీరాస్ వర్డ్...58

గెలుపు

మౌనానికి చెరోవైపు మనం

ప్రకటించని యుద్ధం చేస్తున్నాం

ఒకరి గెలుపు మరొకరు కోరుకుంటూ

ఇట్స్ వీరాస్ వర్డ్...59

కోరుకునే వాళ్ళం

గుడ్లురుమని అమ్మానాన్నలు

కన్నెర్ర జేయని ఉపాధ్యాయులుంటే బాగుండు 

పిల్లలుగానే ఉండాలని కోరుకునే వాళ్ళం

ఇట్స్ వీరాస్ వర్డ్...60

తుడుచుకుంటున్నట్లుంది

బుగ్గలపై ధారలు

మనసు తడిసిపోయింది

కళ్ళు మూతలు పడుతున్నాయి

తడి తుడుచుకుంటున్నట్లుంది

ఇట్స్ వీరాస్ వర్డ్...61

ఎందుకింత పగ

మూడు ముళ్లు, ఏడడుగులు, నూరేళ్ళు పోనీలే అనుకుంటే

ఏడేడు జన్మలట !!ఎందుకింత పగ వీడికి

ఇట్స్ వీరాస్ వర్డ్...62

వస్తుంది

ఆత్మ ఎప్పుడో అణచి వేయబడింది

మనసు చే తొక్క బడింది

బయటపడే రోజొస్తుంది

ఇట్స్ వీరాస్ వర్డ్...63

మూసుకోవాల్సిందే

నాగోల్ మూసీ పక్కన నిలబడితే ముక్కు

నీ పక్కన నిలబడితే చెవులూ 

మూసుకోవాల్సిందే

ఇట్స్ వీరాస్ వర్డ్...64

ఆపలేక బోయింది

నల్లజెర్వు కట్ట మాయమైతుంది(ఉప్పల్)

కట్టమైసమ్మ టెంపుల్ మాత్రమే కనబడుతుంది

అమ్మ గూడ ఆపలేక పోతుంది

ఇట్స్ వీరాస్ వర్డ్...65

ఐపీఎల్

అంతర్జాతీయం గా ఎదురే లేదు

స్థానికంగా గెలుపే లేదు

ఐపీయల్ చెప్పిన జాతకం

ఇట్స్ వీరాస్ వర్డ్...66

భుజోడీ

గుజరాత్ పార్లమెంటు భవనం

రేర్ రెప్లికా 

భుజోడీ మినీ పార్లమెంట్

ఇట్స్ వీరాస్ వర్డ్...67

శ్వేతా షాహీ

బదరీ నలందా బీహార్ మార్గం

యూట్యూబ్ దిద్దిన ఛాంపియన్

రగ్బీ లో రాణించిన శ్వేతా షాహీ

ఇట్స్ వీరాస్ వర్డ్...68

పెద్దపల్లి

పొత్తిళ్ళలో నల్లబంగారం

వెల్గులు జిమ్మే యన్ టీ పీసీ

గోదావరందాల కాళేశ్వరం

కడుపులో దాచుకున్న భూతల స్వర్గం

ఇట్స్ వీరాస్ వర్డ్... 69

జెఫ్ బెజోస్ మెకంజీ బెజోస్

విడిపోయినట్లుందా

తొలిప్రేమలో పడినట్లుంది

దటీజ్ అమెజాన్ పేర్

ఇట్స్ వీరాస్ వర్డ్... 70

నువ్వు మారవు

అందమైన మోసం నీ  ప్రేమ

గెట్టుదగ్గర కాపలా బెట్టి 

 నువ్వు మారవు

ఇట్స్ వీరాస్ వర్డ్...71

నమ్మిస్తున్నా

మంత్రాలకు రాలని చింతకాయ 

నేనే తెంపాలి

మంత్రాలకే రాలిపడిందని నువ్వు నమ్మిస్తున్నా

ఇట్స్ వీరాస్ వర్డ్...72

ఐపిటీ యూ

ఆకాశం పై ఉమ్మేయడం ప్రమాదమని ఈపాటికే తెలిసుండాలి

ఇంకా తెలియరాలేదంటే ఐ పిటీ యూ డియర్

ఇట్స్ వీరాస్ వర్డ్... 73

తప్పదు

నిన్ను తలుచుకోకుండా ఉండలేని వారో నలుగురున్నారంటే

వారి కోసమైనా  ముందుకు వెల్తుండాలి. 

ఇట్స్ వీరాస్ వర్డ్...74

వెలుగు కోసం

చుక్కలన్నీ 

చూపుడు వేళ్ళపై చేరాయి

వేలెత్తి చూపడానికి కాదు వేకువరేకల వెలుగు కోసం

ఇట్స్ వీరాస్ వర్డ్...75

భరోసా

చూపుడు వేలు పై చుక్క

మరకమంచిదే

భవిష్యత్తు కు భరోసా నటిస్తూ

ఇట్స్ వీరాస్ వర్డ్... 76 

నిర్ణేత

ఈ సీౙన్ బాగుంది, అన్నీ ఎలక్షన్సే

రాజూ మంత్రీ వోటరే

ఎన్నికలనిర్ణేత కదా

ఇట్స్ వీరాస్ వర్డ్...77

తెలిసీ

ఇప్పుడందరూ 

చుక్కలయుధ్ధం చేస్తున్నారు

ఓటమి తప్పదని తెలిసీ

ఇట్స్ వీరాస్ వర్డ్... 78

జయిద్దామనే

న్యాయానికి న్యాయమెప్పుడు జరిగిందని

అన్యాయినికి అన్యాయమెప్పుడు జరిగిందని

చూపుడు వేలు పై చుక్క తో జయిద్దామనే..

ఇట్స్ వీరాస్ వర్డ్.. 79

చుక్క

తినకు వచ్చిన లాభమేంటి

తనకు జరిగిన నష్టమేంటి

చూపుడు వేలు పై చుక్కేనా

ఇట్స్ వీరాస్ వర్డ్..80

పోనీలే

ఒక్క పూట బువ్వదిని

జీవితాన్ని తన పాదాలనభిషేకించడానికి కెటాయించావు

నీ జాతి పొట్ట గొట్టావు

విశ్వాసమా విశ్వాసఘాతుకమా

ఇట్స్ వీరాస్ వర్డ్.. 81

మంచి వాళ్ళు ఉంటారు

 బాబాసాహెబ్ ను పంపించాడు కదా

భగవంతుడున్నాడు... అందరూ శ్రీ రామచంద్రులు కాలేరు

మంచివాళ్ళుంటారు

ఇట్స్ వీరాస్ వర్డ్...82

రాయైపోయిండు

రాశిపెట్టున్నది తప్పించు కోలేమట

రాశినోడేమో రాయైపోయిండు

ఇట్స్ వీరాస్ వర్డ్...83

నిధీ! యూ ఆర్ కరెక్ట్

దిమాఖ్ ఖరాబ్ చేస్తానంటే నవ్వొచ్చింది

ఉంటేగదా చేయడానికి

నిధీ! నీ మాటే కరెక్ట్

ఇట్స్ వీరాస్ వర్డ్....84

  కోతకో మేతకో

నిన్నే నమ్మిన ప్రాణాలవి

తీస్కెల్లేది కోతకో మేతకో

ఇట్స్ వీరాస్ వర్డ్..85

ఛాన్సే లేదు

అమ్మ నాన్న తమ్ముడు

అక్కా చెల్లీ అన్నా ఏబంధానికీ తాడు లేదు

విడి పోయే ఛాన్సేలేదు

ఇట్స్ వీరాస్ వర్డ్.‌ ..86

మనోభావాలు

మంచుంటే స్వీకరించి

అవసరం లేనివి వదిలేద్దాం

ఇది మనోభావాల యుగం

ఇట్స్ వీరాస్ వర్డ్.. 87

మెట్రో ట్రైన్

సౌకర్యాలకు కొదవే లేదు

సమయపాలన సమస్యే కాదు

అందనంత ఎత్తులో వెల్తున్నా ఆకాశయానం కాదు

ఇట్స్ వీరాస్ వర్డ్.. 88

విశ్వనగరం

భయమేస్తుంది కానీ భద్రతనిస్తుంది భవిష్యత్తు కు భరోసానిస్తుంది

విశ్వసి‌‌స్తే విశ్వనగరం.. భాగ్యనగరం

ఇట్స్ వీరాస్ వర్డ్.. 89

ఆశలరెక్కలు

అడుగులు అమీర్ పేట నుండే పడుతున్నా

ఆశలరెక్కలు అమెరికాలో విప్పుకుంటాయి

ఇట్స్ వీరాస్ వర్డ్.. 90

సీపీయస్ వ్యూహం

పోరాటరూపం పోటీ చేయడమేనా

నాడు నల్గొండ,నిన్న నిజామాబాద్

రేపెక్కడో..సీపీయస్ వ్యూహం

ఇట్స్ వీరాస్ వర్డ్...91

వీళ్ళు

ఖండాంతరాలు దాటెల్తూ వాళ్ళు

గడపదాటలేని స్థితిలో వీళ్ళు

ఆనందభాష్పాలు రాలుస్తూనే

ఇట్స్ వీరాస్ వర్డ్...92

ఏమా పరిమళం

ఏమా పరిమళం

ఏ కలం నుంచి జారిపడిన వాక్యమో

మనసెల్తుంది వెతుక్కుంటూ

ఇట్స్ వీరాస్ వర్డ్...93

చిత్తలూరికి కృతజ్ఞతలతో

తను కనిపించే సరికి

పులకింత, ఈ వయసులో కూడా

ఆనందాంబుధి లో ఈదులాడుతూ

తను కనిపించే సరికి

ఇట్స్ వీరాస్ వర్డ్...94

ఏమో

అక్కడేదో టెంటు మొలిచింది

ఎత్తిన పిడికిల్లు కనిపిస్తున్నాయి

ఏమో నేను పోగొట్టుకున్న వాక్యం దొరకొచ్చు

ఇట్స్ వీరాస్ వర్డ్...95

చిత్తలూరికి కృతజ్ఞతలతో

ప్రశంస

మనసంతా ఉడుకుతోంది, 

కడుపు మండిపోతుంది

వాళ్ళెవరో నా పక్కవాన్ని ప్రశంసిస్తున్నారు

ఇట్స్ వీరాస్ వర్డ్... 96

బంగారం

అందరి వల్లౌతుందా  బంగారాన్ని గుర్తించడం

గుర్తిస్తే వదులుకుంటారా

నా వాక్యం బంగారం

ఇట్స్ వీరాస్ వర్డ్...97

రాయడమెందుకు

అర్థం కాలేదా నా నోట వినాలనా

ప్రతిదీ విడమర్చి చెప్పాలంటే..

రాయడమెందుకు

ఇట్స్ వీరాస్ వర్డ్..98

ఫైరింజన్

తాగడం తప్పంటావా 

జ్ఞాపకాలంటుకుంటుంటే ఫైరింజన్ పనిచేయదుకదా

ఇట్స్ వీరాస్ వర్డ్...99

ఇష్టం మరీ

జీ హుౙూరనే వాక్యాలను జోకొడుతాను

తిరుగుబాటు నేర్పే వాక్యాలను ప్రేమిస్తాను

నీవంటే నాకిష్టం మరీ

*ఇట్స్ వీరాస్ వర్డ్... 100

TBA 00038

[11:03 PM, 10/21/2020] Veera Gudipally: వీరాస్ సెటైర్స్

మరవడమెలా

వాడు చేసిన ద్రోహం  మరవడమెలా

రోజంతా మెడచుట్టూ వేలాడుతుంటే

ఇట్స్ వీరాస్ వర్డ్ 101

వాడంతే

కట్టేశాననుకుంటున్నాడు

కసితో

 రగిలిపోతున్న విషయం తెలీదు

వాడంతే

ఇట్స్ వీరాస్ వర్డ్...102

పొరబడి

మెడలో గుత్పేసినపుడే అనుకున్నా

మనిషి లా చూడలేవని

మారతావనుకున్నా మనిషని పొరబడి

ఇట్స్ వీరాస్ వర్డ్...103

కవి

కవి అంటే యెవరని అడిగింది తాను కానిదెవరన్నాను నేను

తెలుసన్న మాటనుకుంటూ క్రీగంట చూసెళ్ళిపోయింది

ఇట్స్ వీరాస్ వర్డ్...104

వెళ్ళింది

ఒకరి గెలుపు మరొకరి ఓటమికదా వెక్కిరింతలవసరమా అన్నది తాను

కవిరాయని వాక్యాలుంటాయన్నాను

కాసేపాగు వస్తానంటూ వెళ్లింది

ఇట్స్ వీరాస్ వర్డ్...105

బంధు గణం

జయరాములు ‌సార్ మెసేజ్ చూశావా అన్నది తాను

సార్ మనసంతా  చిత్తలూరేనాయె మనమంతా బంధు గణమే కదా అన్నాను

మెల్లగా అలా ‌సుతారంగా నా బుగ్గ గిల్లి వెళ్లింది

ఇట్స్ వీరాస్ వర్డ్.. 106

విజేత

అగ్రాహంకారానికి సవాలయ్యాక శరణార్థిని కాపాడే ధైర్యం వాడికెక్కడిది

కథకోసం చూడాలంతే

వికీలీక్స్ అసాంజే విజేతే కదా

ఇట్స్ వీరాస్ వర్డ్..107

ఎంతదృష్టం

కోడె దూడటగా అన్న దామె

ఔనన్నాను

ఏంపని చేయకుండా ఎంతదృష్టం 

బీ హ్యాపీ అంటూ వెళ్లి పోయింది

ఇట్స్ వీరాస్ వర్డ్..108

తెలుస్తోంది

అందరూ అరుణామేడమ్ నే అభినందిస్తున్నారేంటి అన్నాన్నేను

నిస్వార్థంగా పనిచేయడం నేర్చుకో తెలుస్తోందంటూ వెళ్లి పోయింది తాను

ఇట్స్ వీరాస్ వర్డ్.. 109

నెవర్

ఆమె కతనో పసిపాప అతనికామె అరాధ్యదేవత

ఆ బంధం మంతే సున్నాతో భాగహారం

నాట్ డివిజిబుల్ నెవర్ డివిజిబుల్

ఇట్స్ వీరాస్ వర్డ్..110

వెల్తున్నా

ఎంతబాగా రాస్తున్నాడతడన్నాను

పైనింకా శాలువాపడనట్లుందంది

నాపైబడిన శాలువాలు లెక్కించుకోవడాని కెల్తున్నా 

ఇట్స్ వీరాస్ వర్డ్... 111

న్యాయ దేవత

న్యాయం మొలిచింది నమ్మకం పెంచింది

వందేళ్ళుగా పరిమళిస్తుందీగడ్డపై 

తెలంగాణహైకోర్టు

ఇట్స్ వీరాస్ వర్డ్ ‌‌112

వేరేమున్నాయ్

లెక్కలొస్తే బతకొచ్చు, కవిత్వం తెలిస్తే జీవించొచ్చు

ఆరెండూ తప్ప వాడికేం తెల్సంటున్నారు

వేరే మున్నా య్

ఇట్స్ వీరాస్ వర్డ్...113

పిడికిలి

సమ‌స్యే తప్ప మనిశెప్పుడూ శతృవు కాదు

చేతులు జోడించి నపుడు పనికాకపోతే పిడికిలి బిగించక తప్పదు కదా

ఇట్స్ వీరాస్ వర్డ్.. 114

మనూరి బస్సు

ఏవీ అఖ్ఖర్లేని వారికి అన్నీ వాటంతటవే వస్తాయి

పనిలేకుండా నిలబడి నప్పుడు వచ్చే మనూరి బస్సుల్లా

ఇట్స్ వీరాస్ వర్డ్...115

భ్రమలో

నిన్నన్నప్పుడు కోపం రాలేదు వాడిననగానే ఎగిరి పడ్డావు

బాధ్యతన్నా కావాలి భ్రమలోనన్నా ఉండాలి

ఇట్స్ వీరాస్ వర్డ్..116

జవాబిస్తామా

అభియోగాలపై  దిగజారిపోయి ఖండించలేనన్నాడతను

నోరు పారేసుకున్న ప్రతోరికీ జవాబిస్తామా

ఇట్స్ వీరాస్ వర్డ్...117

సాక్షి 12/21042019

వ్యవసాయమే

నాకోపాన్నిట్టే మింగేస్తుంది

క్షణాల్లో ఓ చిఱునవ్వును నాటెల్తుంది. 

తనదీ వ్యవసాయమే

ఇట్స్ వీరాస్ వర్డ్.‌‌118

టెలీపతీ తెలుసేమో

నేననుకున్నానని యెలా  తెలుస్తుందో

అలారం మోగుతుంది చెవిలో చేరిపోతుంది

టెలీపతీ తెలుసేమో

ఇట్స్ వీరాస్ వర్డ్..119

మాయంటదేకదా

తెలియకప్పుడు తెలిసిప్పుడదే పొరపాటు

ఎదిగానంటూ ఏమార్చుకుంటున్నావు

మాయంటదేకదా

ఇట్స్ వీరాస్ వర్డ్...120

అవసరం

జోకేంటో  తెలియదుగానీ

నవ్వాల్సిందే. ఆయనజెప్పాడు గదా

అవసరమలాంటిది

ఇట్స్ వీరాస్ వర్డ్...121

లక్ష్యం

నో కాంప్రమైజ్ అనే సందేశం ఇవ్వడానికి

ఎన్నిసార్లు కాంప్రమైజ్ అయ్యానో

లక్ష్యం చేరడం కదా కావాల్సింది.

ఇట్స్ వీరాస్ వర్డ్..122

సాక్షి/22042019

రజనీ

వస్తాడట అసెంబ్లీ వరకాగమంటున్నాడు

ఎప్పుడు రావాలో తెలిసినోడు

ఊరించడం కొత్తేం కాదు లే

ఇట్స్ వీరాస్ వర్డ్.. 123

అంతర్మధనం

తాను పరిచయం చేసినంత మాత్రాన తనకంటే పైకెదగ వద్దా

ది మో‌స్ట్ బ్యూటిఫుల్ ఫేస్ ఆన్ ఇండియన్ స్క్రీన్ అంతర్మధనం

ఇట్స్ వీరాస్ వర్డ్...124

కుర్సీ నాది మరీ

గెలిచే వరకూ పోటీ చేస్తా సాలీడు కథ చదువుకోలేదా

ఆ కుర్సీ నాది మరీ 

ఇట్స్ వీరాస్ వర్డ్...125

ఆ యిద్దరు

గెస్ట్ హౌజ్ ఘటనదేముంది 

గెస్ట్ ఆఫ్ ఆనర్ ముఖ్యం

ఒకే వేదికపై ఆ యిద్దరు. 

పగలూ పంతాలు పదవులకంటేనా

ఇట్స్ వీరాస్ వర్డ్...126

వదలడన్నమాట

బావులన్నీ మాయమైనా 

కూపవేధాదోషం మాత్రం మాయం కాలేదట

సంప్ , ట్యాంకులుగా వేధిస్తుంటే

వాస్తుదోస్తు వదలడన్నమాట

ఇట్స్ వీరాస్ వర్డ్..127

అరిచాయంట

మారరింక మీరింకమారరంతే

ఎవడి గొప్ప వాడిదే ఎందుకిప్పుడు రాద్ధాంతం

ఆర్నెల్ల తర్వాత అవేవో అరిచాయంట

ఇట్స్ వీరాస్ వర్డ్...128

ముందు

షాంగ్రీలా, సినమన్ గ్రాండ్, కింగ్స్బరీ ,జియోన్ ఇంకా సెబాస్టియన్ 

ఎన్ని వందలమందిని చంపావు

 నీరాజ్యం సల్లగుండ నువ్వు మారరా ముందు

ఇట్స్ వీరాస్ వర్డ్...129

దీపాలీ

కన్నబిడ్డకు కష్టమొస్తే కలబడతాం కలిబెడతాం

చిఱుతైనా, సివంగైనా,ఎదురుగనున్నది యెవరైనా

పేగుబంధమది దీపాలీ !!! 

ఇట్స్ వీరాస్ వర్డ్..130

సాక్షి 9/23042019

కంఫర్ట్ కాస్ట్యూమ్

వీనెక్ హైనెక్ టర్టిల్ నెక్ స్లీవ్ లెస్ బ్లాక్ డీప్ టాంటాంషేప్ ఏదైతేనేం

వన్నెలీనుతుంది వయసు తగ్గిస్తుంది

కంఫర్ట్ కాస్ట్యూమ్  టీషర్ట్

ఇట్స్ వీరాస్ వర్డ్..131

0=99

నేటి సున్నా రేపటి తొంబై తొమ్మిది

ఐనిస్టీనైనా ఐజాక్ న్యూటనైనా పుట్టుకతోనే సిద్ధాంతాలు కనిపెట్టలే

ఇంటర్ బోర్డు యేంచేసింది పాపం

ఇట్స్ వీరాస్ వర్డ్..132

బాయిజాబాయ్

పనిలేకుండా తిరిగే ఫకీరును ద్వారకామాయి (షిర్డీ) దాటకుండా చేసింది

తనపని తాను చేసుకుంటూ బాయిజాబాయ్

ఇట్స్ వీరాస్ వర్డ్...133

వెతుకుతున్నా

ఎన్ని డైలాగులుగొడితేనేం ఎవడిపైబడి యేడిస్తేనేం 

ఆఖరికారంగేగదా బూసుకునేది

రంగులు మార్చనోడేడుండని వెతుకుతున్నా 

ఇట్స్ వీరాస్ వర్డ్..134

నమ్మి‌స్తారు

యుద్ధం మొదలయ్యాక నిజాలతో పనేముంది

గెలిచిందే సత్యమని నమ్మిస్తారు సత్యమే గెలవాలనుకుంటాంకదా

ఇట్స్ వీరాస్ వర్డ్...135 

పట్కపోతుండు

ఆటకు బానిసైనోడు ఆడొక్కడే బోతుండు

మతానికి బానిసైనోడు మనందరినీ బట్టుక పోతుండు

ఇట్స్ వీరాస్ వర్డ్...136

పలకరిస్తుంది

అభివృద్ధి జరగలేదన్నదెవరు

నాలుగు చినుకులు పడితే చాలు చెఱువే మాయింటికి వచ్చి పలకరిస్తుంది

ఇట్స్ వీరాస్ వర్డ్..137

గొంతెత్తి చెబుతుంది

అప్పుడే బాగుండెనన్నమాట యెప్పుడూ వినిపిస్తోంది

సబ్బండ వర్గాల సమ్మెతర్వాత గూడ వినబడ్తదనుకోలేదు

సత్యం గొంతెత్తుకుని చెప్తుంది

ఇట్స్ వీరాస్ వర్డ్ ‌..138

పుస్తకం

ప్రపంచమనే పుస్తకం లో అక్షరమై యొదగాలి

యెదపై వాల్చిన చెవిలో ఆ సంగీతం వినగలగాలి

నలబై పేజీలుకుట్టిన ప్రతిదీ  పుస్తకమౌతుందా

ఇట్స్ వీరాస్ వర్డ్..139

రైసన్

రైసన్ గ్రామంతరించిపోయింది

భారతదేశం గర్వించదగ్గ నాయకున్నిచ్చింది

హీరాబా కలల పంట

ఇట్స్ వీరాస్ వర్డ్..140

తడుముకోరామరి

నాలుగు లైన్లు రాశాను నలబైమంది తిరగబడ్డారు

నలబైకోట్లమందికోసం కదా రాశింది

ఆమాత్రం తడుముకోరామరి

ఇట్స్ వీరాస్ వర్డ్...141

 పావురాలు

పావురాలు ఎగురుతున్నాయి కాళ్ళకు కట్టిన ఉత్తరాలతో కాదు

కంటికి కనిపించని నీటి తావులకోసం

ఎండాకాలం మరి

ఇట్స్ వీరాస్ వర్డ్...142

ఏంచేశావు

నిన్నే ఎందుకు ప్రేమించాలి ఎన్ని సార్లు వేసుకున్నానో ఈ ప్రశ్న .. సమాధానందొరకదు.

నన్ను నేనైనా ప్రేమించుకుందామంటే మనసు రాదు

యూ ఫూల్ ఏంచేశావు

ఇట్స్ వీరాస్ వర్డ్..143

Is it love

ఏముంది నీలో 

నన్నారాధించడమనే అవగుణం తప్ప

ఏముంది నాలో నిన్ను అందుకోవడమనే ఆశ తప్ప..   ఇదీ ప్రేమేనా

ఇట్స్ వీరాస్ వర్డ్..144

Dad I love you

నీ కన్నీరు చూడాలని అనుకోను

క్షణం ఆలస్యమై తే జలజలా రాలుతుటుంటాయి తట్టుకోలేనని తెలిసీ

ఎందుకింత వలపు నాపై... Dad I love you

ఇట్స్ వీరాస్ వర్డ్..145

తెల్వనిస్తరా

వాడు లేడని తెలిస్తే ఎంతకష్టం

చింతకాయలు రాల్తాయని చెప్పేవాళ్ళకు

పరాన్న భుక్కులు తెల్వనిస్తరా

ఇట్స్ వీరాస్ వర్డ్..146

పోయేకాలం

ఆకురాలే కాలమొచ్చాక గలగలలకు లోటేముంటది

కొత్త చివుళ్ళెదురు చూస్తున్నాయి

పోయేకాలం మరి

ఇట్స్ వీరాస్ వర్డ్...147

టైమొచ్చింది

పులిపిరెంతకాలం భరిస్తారు 

బ్యూటీ స్పాట్సనే భ్రమలో

సర్జరీ కి టైమొచ్చింది

ఇట్స్ వీరాస్ వర్డ్..148

తలచుకుంటే

గోదావరి ఊరూరు జేరింది

నదులు నల్లాలలో ప్రవహిస్తున్నాయి

మనిషి తలచుకుంటే

ఇట్స్ వీరాస్ వర్డ్...149

తప్పదేమో

తను కనబడింది ఏవేవో జ్ఞాపకాలు

తనెళ్ళిపోయింది జ్ఞాపకాలను తీసుకుపోలే

మోయక తప్పదేమో

ఇట్స్ వీరాస్ వర్డ్..150

నీఇష్టం

ఎప్పటి దాకో ఎక్కడిదాకో గానీ ప్రయాణాన్ని ఆపగూడదంతే

తలెత్తుకు సాగిపోవడమా, తలొంచుకుని వెళ్లి పోవడమా నీఇష్టం

ఇట్స్ వీరాస్ వర్డ్.‌151

సర్వం

ఎన్ని ఎకసెక్కాలు,

బలహీనతలను కప్పేసుకోడానికి

నన్నొదిలుండలేకున్నా యెన్నివిసుర్లు

స్మార్ట్ ఫోన్ కాదు సర్వం నేనే నీకు

ఇట్స్ వీరాస్ వర్డ్..152

కాదనవనుకుంటాను

సాయి దేవుడంటావు నీవు

సామాన్యుడు దేవుడైతే నీవన్నది నిజమంటాను నేను

కాదనవను కుంటాను

ఇట్స్ వీరాస్ వర్డ్...153

గ్లోబరీనా

బోర్డు కెఱుకలేకుండనే  బోలెడు పనులు జేసిందట

నమ్మినా నమ్మక పోయినా నిజమేమైన

పోరగాళ్ళపాణమెవరెన్కకు దెస్తరు

గోల్మాల్ గ్లోబరీనా

ఇట్స్ వీరాస్ వర్డ్...154

*గరికపాటి *

లక్షకుంకుమ,, కోటి తులసి అర్చనలన్నీ ఉత్తయేనట

గరికపాటి చెప్తున్నాడు నమ్మాలి కదా

అవధాని అంతరంగం మరీ

ఇట్స్ వీరాస్ వర్డ్..155

28/04/2019 ఈనాడు

అవధాని అంతరంగం

విప్లవ మైనా వీరశైవ మైనా 

ఆదిశంకరుడైనా ఆ చెగువేరా ఐనా చెప్పిందొకటే

అంధవిశ్వాసాలు

 అసలు నిజాలనుతొక్కేస్తున్నాయంట

అవధాని అంతరంగం

ఇట్స్ వీరాస్ వర్డ్...156

28/04/2019 ఈనాడు

మొలక

పడుకుంటే పాడె, నిల్చుంటే నిచ్చెన, చూసేవాడికి సైటుంటే కష్టం

చినుకు పడితే చాలు మోసులెత్తదా మొలక

ఇట్స్ వీరాస్ వర్డ్...157

నిర్ణయం

పడుకుంటే పాడె నిల్చుంటే నిచ్చెన

ఏదైనా పైకి పోవడానికే

నిర్ణయం నీదే మరి 

ఇట్స్ వీరాస్ వర్డ్.‌158

ఖర్చేం లేదుకదా

వీలైతే  శాలువా కుదిరితే  ఓ కవిత 

ఫోటో కు ఖర్చేలేదు

వెల్లొస్తే సరిపాయె

ఇట్స్ వీరాస్ వర్డ్..159

నమ్మకం

విషం నింపుకున్న అంతరంగం  నవ్వుతూ పలకరిస్తుంది

వాడికి పనిముఖ్యం

నమ్మకాలు పెట్టుబడిగా సాగే కాలమిది

ఇట్స్ వీరాస్ వర్డ్...160

జీవితం మరి

ఏది చివరి మాటో ,ఆటో తెలియదు 

ప్రతిదీ  తొలియడుగన్నంత ఉత్సాహంగా సాగాలి జీవితం

ఇట్స్ వీరాస్ వర్డ్...161

అంతేమరి

అవసరం లేని వాటిని మోయడం అనవసరమని తెలుసుకునేవరకే

చాలా దూరం మోశాను 

ఇంగువ గుడ్డంతేమరి

ఇట్స్ వీరాస్ వర్డ్... 162

కొన్నిసార్లంతే

విలువలు పెంచేవారో, విలువైన వారో ఉండాల్సిన చోటది

తప్పేముంది లే అన్నిచోట్లా అర్హులే ఉన్నారా

కొన్నిసార్లంతే

ఇట్స్ వీరాస్ వర్డ్...163

రీకాల్

కామెరూన్ పేల్చిన బుల్లెట్ ఇన్నాళ్లకు దిగింది

ఫియోనా ఒనసాన్య రీకాల్ జరిగింది

ఇట్స్ వీరాస్ వర్డ్...164

తెలుగే

గగనసఖి చరవాణి మొబైలాఫ్ ఎయిర్ హోస్టెస్

కంగారేంలేదు ఈనాటి తెలుగే

ఇట్స్ వీరాస్ వర్డ్...165

వలంటూరిజం

సేవా,భక్తీ,ముక్తీ కలగలసిన యాత్ర లిపుడు

ఆశలు, ఆశయాల, కొనసాగింపు గా

వలంటూరిజం

ఇట్స్ వీరాస్ వర్డ్ ‌..166

నేమ్

సిరాకో, పాసత్ , జెట్టా గాలి పేర్లు గావు

జరామా,గలరాడోలు ఎడ్లపేర్లూ కావు

చరిత్ర మింగిన కార్లపేర్లవి

నేమ్ లోనేముందంటారేం 

ఇట్స్ వీరాస్ వర్డ్... 167

వెగ్బాండ్

ఇంకెంతకాలమోలే అనుకుంటూ ప్రపంచాన్ని చుట్టొద్దామంటే

అదీ జబ్బేనంటారేంటో  వెగ్బాండ్ న్యూరోసి‌స్ 

ఇట్స్ వీరాస్ వర్డ్..168

(164 to 168 daily paper 03052019 ఆధారంగా)

శభాష్

పొని తుఫాన్ చెప్పిన నిజం

ప్రచారం కోసం పనిచేసే వారు కొందరు

పనిచేసే వారు కొందరని

శభాష్ సెక్రటరీ గారు

ఇట్స్ వీరాస్ వర్డ్..169

*శాల్ *

ఏదోటి రాసెయ్ చదివేదెవరు

చప్పట్లు గొట్టి శాలువా గప్తరుగని

ఇట్స్ వీరాస్ వర్డ్..170

మునియాండీ

మునియాండీ కెల్లొస్తా 

మటన్ బిర్యానీ ప్రసాదంగా పెడతారట మనసెరిగిన దేవుడు

పులిహోర, పొంగలి, లడ్డూ ఎంతకాలం దింటాం

ఇట్స్ వీరాస్ వర్డ్...171

ఈ దేవాలయం లో ప్రసాదంగా మటన్ బిర్యానీ పెడతారు 05052019 ఈనాడు

స్తోమత

ఆ కవిత కు బహుమతి వచ్చింది తెలుసా

భోజనాలు తానే స్పాన్సర్ చేశారట కదా

ఔనా !!!! నాకంత స్తోమత లేదులే

ఇట్స్ వీరాస్ వర్డ్..172

అమ్ముకోవచ్చు

కవిత్వం అవసరమా ఆలంబనా వ్యాపారమా

వాడకాన్ని బట్టి ఏదైనా కావచ్చు

అక్షరాల నమ్ముకోవచ్చన్నమాట

ఇట్స్ వీరాస్ వర్డ్ 173

చిన్న విషయం

అతనున్నాడా

నీకవసరముంటే ఉంటాడు

ఇంతచిన్నవిషయం అర్థం కాలేదింతకాలం

ఇట్స్ వీరాస్ వర్డ్..174

ఎందుకని

ఎందుకు నా జీవితంలో కి వచ్చావు అర్థరహితం గా జీవిస్తున్నాననా

అర్థాంతరంగా వెళ్లి పోతానంటావేం మరి

ఎండా వానా లేనిచోట గొడుగెందుకని

ఇట్స్ వీరాస్ వర్డ్..175

నేను

ఎంత పెద్ద గుత్పేశినా ఎదిరించే ప్రయత్నమక్కడ

చిన్న తాడేస్తే తప్పించుకోలేక యిక్కడ

ఇట్స్ వీరాస్ వర్డ్...176

యెవడు రాశిన జాతకం

కలలు నావి కష్టపడేది నీవు 

ఫలితంమారితే ఉరేసుకున్నది నీవు ఊపిరి పోయింది నాది 

యెవడురాశిన జాతకమిది

ఇట్స్ వీరాస్ వర్డ్..‌177

బాల్యం

అందమైన లోకంలో అనంతానందాలయానమానాడు

మూడేళ్ల నుండి ముప్పయ్యేళ్ళదాక కార్పోరేట్  సంకెళ్లీనాడు

బాల్యం

ఇట్స్ వీరాస్ వర్డ్..178

నీవెళ్ళిపోయాక

ఋణానుబంధ రూపేణా పశుపత్ని సుతాలయా.. ఏదో అంటారు

అరక్షణం అలా అనిపించింది నీవెళ్ళిపోయాక

ఇట్స్ వీరాస్ వర్డ్..179

విలవలేరుకోలేం

కోల్పోవడం మొదలయ్యాక కామాలే, ఫుల్ స్టాపుండదు

అహం ఎరువుగా చల్లి విలువల్నేరుకోలేవు

ఇట్స్ వీరాస్ వర్డ్ ‌..180

నమ్మలేదు

పిచ్చుక పై బ్రహ్మాస్త్రం

పెప్సీ వర్సెస్ పేదరైతులు

చలిచీమల గెలిచాయంటే నమ్మలేదప్పుడు

ఇట్స్ వీరాస్ వర్డ్...181

కొత్తేం ముంది

ఏవా గళాలు , ఎక్కడా కలాలు

పదవులు మేస్తున్నాయి 

కొత్తేముంది

ఇట్స్ వీరాస్ వర్డ్...182

యెవరని

అంగలార్చేదందుకేగదా

యాంటీ జెండరంటే పడిపోనిదెవరని

ఇట్స్ వీరాస్ వర్డ్...183

మెఱుగైన సమాజం

ఆమాత్రం ఫోర్జరీ అవసరమేమో

మెఱుగైన సమాజం కోసం

ఇట్స్ వీరాస్ వర్డ్..184

ఓపికెక్కువ

అక్క తిడితేమాత్రం కోపమొస్తుందా

ఆశీ‌స్సులనుకుంటాంగానీ

ఆయనకసలే ఓపికెక్కువ

ఇట్స్ వీరాస్ వర్డ్..‌185

ఆమె సాధించిందేముంది ??

ఆ మాటకూ తన చిరునవ్వే సమాధానం

నీకంటూ ఓ చిరునామా తానే కదా

ఇట్స్ వీరాస్ వర్డ్...186

ఖాయం

ఫ్లైయోవర్ సంస్కృతి వంటబట్టింది

గెలుపు ఖాయం

కధమారేలాలేదు

ఇట్స్ వీరాస్ వర్డ్ 187

ఆకాశం

తను కన్నుగీటగానే భయపడ్డాను 

వెంటనే భయంకరం గా అరిచింది.. లోపలికెళ్లాను

ఏడ్వడం మొదలుపెట్టింది

ఇట్స్ వీరాస్ వర్డ్..188

మా ఊరు మారింది

వారసులంతా పట్నంలుంటే  అమ్మానాన్నలను తనుజూసుకుంటుంది.

మనవల్లూ, మనవరాళ్లు మరో దేశం పోతుంటే , 

మూడుతరాల ముచ్చటై ఊరు మారింది

ఇట్స్ వీరాస్ వర్డ్.‌....189

లేదు

ఐ లవ్యూ చెప్పాలని ఉంది మనసు రావడం లేదు

చందమామ చక్కదనం  చిక్కి పోతుంటే

ఇట్స్ వీరాస్ వర్డ్..190

చందమామ

రవితాపం తట్టుకోలేక మామమోము పగుళ్లు వారుతుంది

ఎంతందమైనా యెంతకాలం

మామా ! చందమామా!

ఇట్స్ వీరాస్ వర్డ్..191

అన్నట్లు గుర్తు

కాలానుగుణంగా మారలేని రోగం తప్ప

చావు లేనిది కమ్యూనిజం

వీరన్నన్నట్లు గుర్తు

It's veeras word 192

పట్టించుకోవు

నిన్నందుకోలేనివారు తిడుతుంటారు

నువ్వందుకోలేనివారు పొగడుతుంటారు

నిన్ను నిన్నుగా చూసేవాళ్ళను పట్టించుకోవు

ఇట్స్ వీరాస్ వర్డ్..193

ఉన్నాడు

ఉన్నాడేమో విశ్రాంతి వర్గం

ఉంటే ఉండెలే శ్రామిక వర్గం

ఉన్నాడు దోపిడి వర్గం

ఇట్స్ వీరాస్ వర్డ్...194

ఎంతబాగుందో

వ్యక్తిత్వ శవాలంకరణకై వేసినదండతో

 ఊరేగింపులో భాగమైపోతున్నాడు

చిత్తలూరి అన్వయం ఎంతబాగుందో

ఇట్స్ వీరాస్ వర్డ్..195

ఎంతకాలం

ఎడారిమొక్కలపై బడి జీవిస్తూ

వసంతమని బులపరించే గీతాలనాలపిస్తూ

శాలువాలతో ఊరేగడం

ఎంతకాలం

ఇట్స్ వీరాస్ వర్డ్.. 196

తడద్దుకోవాలనుకుంటే

అబద్దాల తుప్పిర్ల వర్షరాగ మారిపోనున్నది

శాలువాలతో తడద్దుకోవాలనుకుంటే

ఇట్స్ వీరాస్ వర్డ్..197

మత్తు

ప్రశ్నంటే భయం వాడికి

బాకాలకలవాటు పడ్డాడు

మనువాద మత్తులో తూగుతున్నాడు

ఇట్స్ వీరాస్ వర్డ్...198

అంతేమరి

ఆ ముసుగు 

సహజలక్షణాలను కప్పలేక పోతుంది

వర్గలక్షణం వాసనలంతేమరి

ఇట్స్ వీరాస్ వర్డ్ ...199

అంతే

ఇలా జరుగుతుందని ముందే తెలుసు

మేకప్ తొలగి పోయిందంతే

ఇట్స్ వీరాస్ వర్డ్..200

[11:03 PM, 10/21/2020] Veera Gudipally: గెట్  రెడీ

ప్రణాళికేమఖ్యం

యుద్ధానికి సిద్ధం కావాలంటే 

గెలుపోటములదేముంది don't give up

Get ready

ఇట్స్ వీరాస్ వర్డ్...201

ప్రజలే విజేతలు

ఆ గెలుపు స్వయం కృషి

ఈ ఓటమి స్వయంకృతం

ప్రజలే విజేతలని రుజువైంది

ఇట్స్ వీరాస్ వర్డ్...202

అనుకున్నంత మాత్రాన అది సొంతమైపోతుందా

పనితనం పలుచబారినప్పుడు

స్మృతి  ఇరానీ షోన్ ద ఫ్యాక్ట్

ఇట్స్ వీరాస్ వర్డ్.. 203

ఒకటి కానట్లు

ఖండన, విమర్శ ఒకటెలా అవుతాయి

ప్రౌత్సహించడ, పొగడడం ఒకటి కానట్లు

బ్రతకడానికీ, జీవించడానికున్నంత తేడా 

ఇట్స్ వీరాస్ వర్డ్...204

మిత్రమా

సమస్యంటే యుద్ధం చేసే అవకాశం

గెలిచావా విజయం,ఓడితే అనుభవం

పారిపోకు మిత్రమా

ఇట్స్ వీరాస్ వర్డ్...205

ప్రవాహ ధర్మం

టాజిల్స్ ఆనాటియాధునికత

వేంచేశాయి లట్కన్సీనాడు

 ప్రవాహధర్మమంతే

ఇట్స్ వీరాస్ వర్డ్...206

అవి..నీతి

ఆలయాల్లో అవినీతి 

ఆయన ముందే ఆడుకుంటుంటే

పసివాళ్ళనుకుంటున్నాడేమో

ఇట్స్ వీరాస్ వర్డ్.‌‌207

ప్రజాస్వామ్యం

****

నైతిక విజయమంటే

మరోసారి ప్రయత్నిస్తాడని

ప్రజలెప్పుడూ విజేతలే

ఇది ప్రజాస్వామ్యం

....... వీరా గుడిపల్లి

మేటర్ హార్న్

చప్పట్లైనా,దీపాలైనా

సంఘీభావ సంకేతాలే

మేటర్ హార్న్ మ్యాటర్ లాగా

ఇట్స్ వీరాస్ వర్డ్..209

హ్యాలో థెరపీ

****-

రుచులకు మూలం ,రోగాలు మాయం

ఆ గాలి పీల్చి తే ఆరోగ్యం

హ్యాలో థెరపీ రహస్యం

ఇట్స్ వీరాస్ వర్డ్...210

లూమ్ క్రాఫ్ట్స్

****-

అపార్ట్ మెంట్సంటే పిట్టగూళ్ళు

కదిలే ఇండ్లే హౌౙాన్ వీల్స్

థాట్ ఆఫ్ లూమ్ క్రాఫ్ట్స్  

ఇట్స్ వీరాస్ వర్డ్...211

కనిపించలేదని కాలుబయట పెడితే

ఖతమై పోతావు నేస్తం

ఇది కరోనా పురాణం

ఇట్స్ వీరాస్ వర్డ్...212

కిమ్ కేమైంది

******

ఆ సంకేతాలు 

అబద్దమైతే బాగుండు

బ్రేవ్ ఫీల్డ్ బ్రైన్ డెడ్ కిమ్ కేమైంది

ఇట్స్ వీరాస్ వర్డ్....213

22042020

కొట్టివేతలే

***

వర్జిన్ క్వాంటాస్

యేదైతేనేం ఎక్కడైతేనేం

కోవిడ్ నైంటీన్ కొట్టివేతలే

ఇట్స్ వీరాస్ వర్డ్ ...214

20200422

ఆయనకూడా

***-

అర్చనలైనా హారతులైనా

అక్కడ దాకా అవసరం లేదు

ఆయనకూడా ఆన్లైన్ లోనే

ఇట్స్ వీరాస్ వర్డ్....215

20200422

రిలయన్స్ లో ఫేస్బుక్ పెట్టుబడులపై

ఈనాడు వ్యాసం చదివాక

23/04/2020

అసలైన సమాధానం

కరోనాకైనా సరె

పారిశుధ్యమే ప్రామాణికం

ఐమ్యాప్నైన్ అసలైన సమాధానం

ఇట్స్ వీరాస్ వర్డ్ 216

ఆలోచనే వేరు

జియోప్లాట్ ఫామ్ పై

ఫేస్బుక్ అడుగేసింది

ఆరయ్యల్ ఆలోచనే వేరు

ఇట్స్ వీరాస్ వర్డ్ 217

పిల్లలే కదా

వాట్సాప్ ఇన్స్టాగ్రాం

ఈకామర్స్ పై కన్నేస్తున్న

ఫేస్బుక్ పిల్లలే కదా

ఇట్స్ వీరాస్ వర్డ్ 218

పడాలంతే

అమేజాన్ ఫ్లిప్ కార్ట్

అవెంత దూరమని

జుకెన్ బర్గ్ దృష్టి పడాలంతే

ఇట్స్ వీరాస్ వర్డ్ 219

తీరుతుంటే

పదిశాతం వాటదేముంది

పరపతి పెరుగుతుంటే

ఆరయ్యల్ అప్పులు తీరుతుంటే

ఇట్స్ వీరాస్ వర్డ్  220

పల్లవీ ఠాకూర్

******

సీతే గీత గీసింది

యెవరూ దాటకుండా చూస్తుంది

పల్లవీ ఠాకూర్ పంజాబ్

ఇట్స్ వీరాస్ వర్డ్ 221

షారూఖ్ చెప్పాడు

******

గొప్ప సింగిల్ మాత్రమేనా

సల్మాన్ ఖాన్ సింగర్ కూడా

షారూఖ్ చెప్పాడు

ఇట్స్ వీరాస్ వర్డ్ ...222

పుణ్య మేమరి

*****

గావిలోని యా

నెట్టిల్లు దిద్దిన మాడల్

క్వింట్ బర్గోస్ పుణ్యమేమరి

ఇట్స్ వీరాస్ వర్డ్ 223

ఉప్మా రుచించలేదంటే

ఆకలితో లేడన్నమాట

అదంతే మరి

ఇట్స్ వీరాస్ వర్డ్..224

పచ్చగడ్డి

******

 కాల్చాలనే చూస్తున్నాడింకా

కాకపోతే

మన నడుమ వేస్తున్నాడు

ఇట్స్ వీరాస్ వర్డ్...225

బాల్యదశ

******

ఆశలు తీరాల్సుంది

అనుకున్నవి జరగాల్సుంది

ఇంకా బాల్యదశే...ఆరేళ్ళేగా  నిండింది!!

ఇట్స్ వీరాస్ వర్డ్....226

️⃣️⃣*️⃣

మట్టిలో కలవకముందే

మనిషనిపించుకోవాలి

దీపం ఉండగానే...తెలిసిందే గా

ఇట్స్ వీరాస్ వర్డ్...227

️⃣️⃣️⃣️⃣

అందమైన క్షణాలాగం చేసుకోకు

అక్కరకు రాని వాటిని

ఆలింగనం చేసుకుంటూ

ఇట్స్ వీరాస్ వర్డ్..228

సావిత్రి

భర్త ప్రాణాలు  సాధించింది

ఆనాటి సావిత్రి

రిటైర్మెంట్ వాయిదా వేయించింది

ఈనాటి సావిత్రి

ఇట్స్ వీరాస్ వర్డ్...229

యేముంది

ఫెయిల్ అనే మాటంటే నచ్చదు

పరీక్షలు రాయకపోయినా పాసవ్వాల్సిందే

కరోనా తలుచు కుంటే కానిదేముంది

ఇట్స్ వీరాస్ వర్డ్...230

కోవిడ్నైంటీన్  బ్యాచ్

******

నవ్వుతావేం

నవ్వుకోడానికొకరు కావాలి కదా

రాక్షసులీనాడు లేరనుకున్నా

ఇట్స్ వీరాస్ వర్డ్ 231

కరోనా పురాణం

********

వాడున్నాడంటే ఉన్నాడు

యెవరుండి చేసేదేముంది

నీవు ఉండడం ముఖ్యం

ఇట్స్ వీరాస్ వర్డ్..232

బడిగంట

****

అప్పటికప్పుడు

అనుకోకుండా పోయిండ్రు

ఎప్పుడొస్తరో యేమో

బాధపడుతున్న బడిగంట

ఇట్స్ వీరాస్ వర్డ్...233

బడిగంట

*****

నా వాళ్ళంతా వస్తారీవేళ

ఆశగా ఎదురు చూస్తున్న బడిగంట

మూడు నెలలాయె

ఇట్స్ వీరాస్ వర్డ్...234

బడిపంతులు పరిస్థితి

*********

పరాయి దేశంలో

ఉంటున్న పిల్లల కోసం చూస్తున్న

అమ్మా నాన్నల ఓలె ఉంది

ఇట్స్ వీరాస్ వర్డ్...238

జీతాలు

****

బడి తెరుస్తారటనా

పాఠాలు చెప్తామా మనం

జీతాల సంగతి తేలకనే గదా

ఇట్స్ వీరాస్ వర్డ్....239

రగిలి పోతున్నారు

*****

కమ్యూనిస్టులం

సంతోషంగా ఉన్నాము

కమ్యూనిస్టులమనుకునే వాళ్ళు

రగిలి పోతున్నారు

ఇట్స్ వీరాస్ వర్డ్...240

సమస్యంతా

******

కమ్యూనిస్టులంతా మంచి వాళ్ళు

యే మాత్రం సందేహం లేదు

 కమ్యూనిస్టులమని అనుకునే వారితోనే... సమస్యంతా...

.... ఇట్స్ వీరాస్ వర్డ్ ... 241

యేమనకుంటే చాలు

*******

చైనాను ప్రేమిస్తే

నాకెందుకు కోపం

నా దేశాన్నేమనకుంటే చాలు

ఇట్స్ వీరాస్ వర్డ్...242

అర్థమౌతుందా

****

పాము కాటు బారిన పడకుండా ఉండాలంటే

అరవడం, వాదించడం, అవసరమా

దానికర్ధమౌతుందా, చంపడమే

ఇట్స్ వీరాస్ వర్డ్...243

మంచోడివి గనుక

**""**"

అందరినీ గౌరవించాలా

ఎందుకు??

నీవు మంచోడివి గనుక

ఇట్స్ వీరాస్ వర్డ్

.........244

ఆనవాళు

****

ఆషాఢమాసం గోరింటాకు 

అన్నా చెల్లి అనుబంధం

పుట్టింటి ఆనవాళు

ఇట్స్ వీరాస్ వర్డ్..245

గెలుపు కాదు

*****

ఎవరెంత యెగిరినా

సూర్యుడు రోజుకొకేసారి ఉదయిస్తాడు

ఆరాటం గెలుపు కాదు

ఇట్స్ వీరాస్ వర్డ్...246

మర్శిపోయిండ్రా

****

పిల్లలు రారు పంతుల్లు కనబడ్త లేరు

పెద్దసారొచ్చి సప్పుడు జేయకుండ బోయిండు

నన్ను మర్శిపోయిండ్రా.. బడిగంట

ఇట్స్ వీరాస్ వర్డ్...247

ఇట్లన్లే

**

బడికి వెళ్ళాలని ఉంది

అవకాశం లేదంటున్నారు

చిన్నప్పుడొక్కసారిగూడా ఇట్లన్లే

ఇట్స్ వీరాస్ వర్డ్.. 248

ఆమెకైనా అతనికైనా

*******

అప్పులోనికైనా, ఆఖరికా దేవునికైనా

చుట్టూ తిప్పుకోవడమంటే ఇష్టం.

ప్రదక్షిణ ఫలితాన్నిస్తుంది

ఇట్స్ వీరాస్ వర్డ్......249

వీరాస్ పోయెట్రీ 6 sept 2020

 

1చెప్పక తప్పదు
2.ఇందిరమ్మ
3.ఆన్లైన్ చదువులు
4.రామసక్కనోడు
5.కారా
6.చెల్లి
7.దేశపతి శ్రీ నివాస్
8.తీపి కబురు
9.దండమూడి
10.మై టీచర్
11.schools reopened
12.ఇంటికొచ్చిన బడి
13.గట్లబాయె
14. ప్రణబ్
15.కాళోజీ
16.దాతృత్వం
17.పొట్లూరి
18.సత్యాగ్రహం
19.క్విట్
20.ఆత్మాభిమానం
21.కోవిడ్
22.కుటుంబం
23.అయిష్టం
24.విశ్వాసుల విజయం
25.జ్ఞాపకాలు
26.మనసు
27.కలవో అలవో
28.బాలూ జాగర్త
29.భగత్ సింగ్
30.వచ్చిపోయింది.
********************--
1
ఇది వీరా గుడిపల్లి కవిత
చెప్పక తప్పదు
04082020
*********************
ఎంతభిమానం
మీకు అర్థం కాదు లెండి
మున్నా సినిమాలో కాకా ఆత్మా లెక్క
వాల్లిద్దరొకటే

ఆ రాతలకు జీవముండదు
చేతలకు అర్థముండదు
అంతే
లోకం శోకంపాలవుతున్నట్లు  దొంగ యేడుపు మొదలౌతుంది.
అందరొకసారటు చూసేలా

నీతులు చెప్పడం వృత్తి గా మారింది
యెవరూ పట్టించుకున్నట్లనిపించనపుడు
అదే కదా మార్గం
వాళ్ళిద్దరంతే

2
ఇది వీరా గుడిపల్లి కవిత
05082020
ఇందిరమ్మ
******************
కల్మషమెరుగని మనసు
సూటిగా నిర్మొహమాటంగా మాట్లాడడం
అనుకున్నదే తడవుగా ఆచరణలో పెట్టడం
ఎడారి మొక్కల ఔషధ గుణాలు
తడారిపోతున్న ప్రాణాలకు అందించడం
జీవించే హక్కు ప్రశ్నార్థకంగా మారినపుడు
సంఘజీవిగా జెండా అందుకోవడం
ఎప్పుడూ మరిచిపోలే

తెలుగు పంతులమ్మ లా కనిపిస్తుంది
తెలుగు జాతి వైభవం ఇనుమడింప జేసేందుకు
రామ భక్త శబరిలా కృషి చేస్తుంది.

బిడ్డా అని పిలిచే ఇందిరమ్మ
ఈ కవుల వేదిక అమ్మ
శ్రీనివాసుని ఆలనలో
ఇద్దరు చిరంజీవుల లాలనతో
ప్రశాంత సరోవరం లో
హాయిగా గుండాలని
నీ పుట్టినరోజున  దీవిస్తున్నానమ్మా .....
జయహో.... ఇందిరమ్మా
........ వీరా గుడిపల్లి
3
ఇది వీరా గుడిపల్లి కవిత
05082020
ఆన్లైన్ చదువులు
*************************
కాలు కదపకుండా దేశాటనం
ఊహకందని విషయం
మాయా దర్పణం
కాల్పనిక కధా వస్తువు
పాదలేపనాలు
అల్లసాని అల్లిన కధల్లోని కల్పనలు
రెక్కల గుర్రం ఆకాశయానం
గ్రహాంతర వాసం
చుక్కల వనంలో ఆశల విహారం
సాగర జలాల పై కోర్కెల ప్రయాణం
చందమామ నందు కోవడం
కవుల కలాలు ఆడుకునే ఆట ఆనాడు
ఈనాడేది అసాధ్యమైంది గనుక
కలలు గనడం కవుల పని
నిజం చేయండం ........నీపని
ముందడుగేసినోడిని తోసిందెపుడని
వెనక్కి లాగడమే కదా జరిగింది
వెక్కిరించే వాళ్ళు వెనక్కి లాగే వాళ్ళు
మూడడుగులు ముందుకు చూడలేని మూర్ఖత్వం
వాదాల పరదాలు తొలగించుకోలేని
మానసిక సోమరితనం
ఒప్పుకోకున్నా....
ఆన్లైన్ చదువులే అదృశ్య గురువులే.....,............
ఆమోదించక పోతే
అక్కడే ఆగిపోతవు జరిగేదదే.
......... *వీరా గుడిపల్లి*

4
ఇది వీరా గుడిపల్లి కవిత
05082020
రామసక్కనోడు
(అయోధ్య లో గౌరవనీయులు శ్రీ నరేంద్ర మోడీ గారి చేతుల మీదుగా రామ్ మందిరానికి శంఖుస్థాపన జరిగిన సందర్భంగా)
*******************
అక్కడొకచోట
అపురూపమైన ఘట్టం ఆవిష్కరించబడింది
పదవీలాలస లేనోడు
ప్రాణం బెట్టి చేస్తున్న పని
కార్పోరేట్ ప్రపంచానికి
సనాతన ధర్మానికి జరిగే పోరాటం
కలనైనా ఊహించని
నాయకుడు నడిపించడానికి వచ్చాడు
రామ మందిరం
శతాబ్దాలుగా ఆరకుండా కాపాడుతున్న
వాల్లకు
ధైర్యం చేసి దారి పరచిన తెలుగోడు
అవకాశాలు
వదులుకోకుండా చారిత్రక తప్పిదాలకు
అవకాశం ఇవ్వకుండా
పునాది రాయి వేశాడో మహనీయుడు
న్యాయాన్యాయాలు
తేల్చి చెప్పే తెలివైతే నాకు లేదు కానీ
తెగించి మంటలార్పిన
మహనీయులు వాళ్ళిద్దరన్నది  సత్యం
రామమందిరం శాంతి స్థాపనకు నాంది పలికింది
శంభూకుని వారసులకు
న్యాయం జరిగేలా చూసుకుంటే చాలిక.
అతని పై నమ్మకముంది.
రామసక్కనోడు
....... *వీరా గుడిపల్లి*
5
ఇది వీరా గుడిపల్లి కవిత
08082020
కారా
***************
లక్ష్యం తనకంటూ
ఒక లక్ష్యం నిర్ధారించుకుంటే అది కారా
కధానిలయం చేరిన
కధలన్నీ కంచి వైపు చూస్తున్నాయి
దారులన్నీ శ్రీకాకుళం వైపు పరుగెడుతున్నాయి కధల్ని మోసుకుంటూ
ఏడుచాపల వేట ఎంతకూ తెగదేమిటా అనుకున్నా
సాలభంజికల ముచ్చట్లిప్పుడు వినాలన్నా
సామాజిక స్థితిగతులు భద్రంగా కధలై జిజ్ఞాసులకై ఎదురు చూస్తున్నా
కాళీపట్నం రామారావే కన్పిస్తున్నాడు
శ్రీ కాకుళం అంటే కధానిలయం
కధానిలయమంటే కారా మాస్టారు
గుర్తొస్తారు నాకు
కధలంటే జీవితాలు
జీవితాల జాతకాలన్నీ ఒకేచోట వెతుక్కోమంటున్నాయి.
పుట్టింటి ఆనందాన్ని ఆస్వాదించడానికి
తండ్రి దగ్గరకు చేరామంటున్నాయి
ఒక్క సారి వచ్చిపొమ్మంటున్నాయి
శ్రీ కాకుళం.
కథలిప్పుడు తీరిక లేకుండా ఉన్నాయి
కారా గారితో.
...... *ఇది వీరా గుడిపల్లి కవిత*
6
ఇది వీరా గుడిపల్లి కవిత
09082020
చెల్లి
లలితా కృష్ణ వివాహ వార్షికోత్సవం సందర్భంగా
**********************"""
జీవితం స్వర్గ తుల్యమైనపుడా గొప్ప తనాన్ని
ఒకరికొకరాపాదించు కోవడమే ప్రేమంటే
మీలాగ

తమగురించి కాకుండా
ఒకరి గురించొకరు ఆలోచించడమే ఆప్యాయతంటే
మీలాగ

విలువలకు ఉదాహరణలకై వెతుక్కుంటున్నప్పడు ఆ అన్వేషణ మీదగ్గరే ఆగిపోతుంది.
ఇద్దరనిపించని
ఓ ఇద్దరు ఒకటైన రోజిది

మనసంతా సాయిమయమై, మనుషుల్లో మమతానురాగాలు చూడగలిగే నీవు

కలల పంటగా సుశుమ్న
కమనీయమైన కుటుంబ బంధం
వరంగా పొందిన
నీకంటే భాగ్యవంతులుంటారనుకోను

లలితా కృష్ణల వివాహబంధం
ఆస్తికత్వం ,ఆధ్యాత్మికతలు ఒకటైనట్లుంది
పోయిన సంవత్సరం
మేమిద్దరం ,మీ ఇద్దరిని ఆశీర్వదించిన క్షణం ఇంకా గుర్తుంది.
అప్పుడే సంవత్సరం ఐపోయిందా అనిపిస్తుంది.
ఏకఘాత ప్రణాళిక
ఎందుకంత గొప్ప అధ్యాయమంటే యేంచెప్ప గలం????

నిన్ను, కృష్ణను ఉదాహరణగా చూపెట్టడం
చెల్లీ ! అని మనసారా ఆశీర్వదించడం తప్ప
.......
లలితా.... కృష్ణ లకు..
వివాహ వార్షికోత్సవ శుభాకాంక్షలు
....... *వీరా గుడిపల్లి*

7
ఇది వీరా గుడిపల్లి కవిత
10082020
**********************
శ్రీ దేశపతి శ్రీనివాస్ గారు
*******************
న్యాయ నిర్ణేత గా
మాపై చూపిన ప్రేమతో
కవితా గానం సమూహం పరవశించింది.
ప్రతీ కవిత చదివి
సూచనలందించి
ముందుకు నడిపించే దిశగా
అక్షరాక్షితలు చెల్లి
హూందాగా ధ్వనించి
వెన్నుతట్టి ప్రోత్సహించిన మానసమది
బాలూతో వేదికపంచుకున్న
స్వర సాధన సంగీత కళానిలయ వ్యవస్థాపకుల పలకరింపు
మా హృదయాలను తడిమింది.
సమీక్షలా అవి....
అక్షరాల తో స్నేహించడమెలాగో తెలియజెప్పిన
శ్రీనివాసుడి  ఆశీస్సులు.
శీతాకాలపు లేయెండతో నూతనోత్సాహం పొందే బాలల మానసమైంది కవితాగానమంతా
మహాశయా మీకు మేము యేమివ్వగలం
అవకాశం ఉంటే
మరోసారి మాపై ఆశీర్వర్శం కురిపించడానికి
మళ్ళీ రమ్మని ఆహ్వానించడం తప్ప
....... *వీరా గుడిపల్లి*

8.
ఇది వీరా గుడిపల్లి కవిత
19082020
తీపి కబురు
(వాస్తవ కధనం పేర్లు కూడా మార్చలేదు)
కధనాత్మక శైలి లో
**********************
అలా అనడం తప్పే
అంతగా ఆశించడం కూడా
చుట్టూ అనామకులు
అంతా నిరక్షరాస్యులు
తొలి తరమన్న సంగతే మర్చిపోయా
మంకెన చెట్టు నల్లుకుని పారిన బోడకాకర తీగోలె
సండ్ర పొదలో వంగిరగకాసిన గంగరేగి వలె
వాడిలో యేదో విశేషం కనిపించింది
ఆశించిన మేర రాణించాలని
అతిగా స్పందించానా
ఈరోజలా అనాల్సింది లేకుండె
రేపు బడికొస్తాడో లేదో
మనసంతా చికాకై పోయింది
నిద్రెక్కడికో పారిపోయింది.
సూర్యోదయం ఆగదు కదా
నేనలా అనాల్సింది కాకుండె.
మనసంతా ...... దిగులు
బరువుగా పడుతున్న అడుగులు
బడి ముందు
చింత చెట్టు కిందికి చేరానో లేదో
సార్!!!!!
మల్లేశ కొట్టాడు దుర్గా కాంప్లైంట్
ఆ((((((( వాడొచ్చాడా!!!!
యెంత తీపి కబురు
అల్లరి గుర్తుకు రాలే
...... ఇది వీరా గుడిపల్లి కవిత

9
ఇది వీరా గుడిపల్లి కవిత
23082020
దండమూడి శ్రీ చరణ్ గారికి జన్మదిన శుభాకాంక్షల కవిత
*ఏంటో ఈ మనిషి*
**********************
యదార్థం పదార్థారాధితమై
ఆలోచనాలంబనమౌతుందని తెలిసీ
సూర్యున్ని క్షితిజ రేఖపై బంధిద్దామంటాడు

మృత్యువు ముందర సమానులందరు
సమాధిలో నే ముగిసేదందరంటూ
కలలను పూద్దామంటాడు

కోర్కె లేని,కోమలమైన మృదు చుంబనాన్ని ఆమె నుదుట అలదావా అంటాడు
స్నిగ్ధ సౌందర్యాలు,ముగ్ధ లావణ్యాలు
శుభ ప్రభాతాలూ, సంధ్యా మాధుర్యాలూ క్షణికమని తెలిసీ

యూకలిప్టస్ ఛాయలో,కవితాక్షరాల మధ్య, సంధ్యా వర్ణాలలో ఏకాంతాశ్రువుల్ని దర్శిస్తాడు.
సజావుగా, సరళంగా, సహజంగా,గుండెనుండి సూటిగా
అసలు ప్రేమించగలమా మనమంటూనే
ఒక్కోసారి లెక్క తప్పుతుందంటాడు.

వాయువుని,ఆయువుని,ఆశ్రయించి
కాలాన్ని ఆక్రమించిన క్షణభంగురమైన జీవితాలంటూనే
తన ఉనికి శాశ్వతమంటాడు

తను చెప్పేవన్నీ అబద్దాలన్న అబద్ధాన్ని నిజం చేస్తూ ఈ జన్మంతా తనను భరించమంటాడు.
గాయాన్ని గేయం చేశాడో
గేయాన్ని గాయపరచాడో
ఓ అక్షరమై ఆనవాళు నొదిలాడు

ఏకాంత సాగరాలు,భాష్ప బిందువులు
ఇసిక గూళ్ళు సిరాలో కలిపి
నేలమాళిగలో నైరూప్య చిత్రాల గుర్తులలా వదిలేసిన ఓ అసంగత గీతమతను
*ఏంటో ఈ మనిషి*
..... వీరా గుడిపల్లి

10
ఇది వీరా గుడిపల్లి కవిత
26082020
My teacher
********************
అఆలు దిద్దించలేదు
అసలెప్ప్పుడూ కలవలేదు
అన్నీ చెప్పాడు
యాబయేళ్ళుగా తెలుసుకోలేని విషయాలు
యాబయ్యారు గంటల్లో
సమాధి నుండి మాట్లాడలేదు
మహిమలేవీ చూపలేదు
నాలాంటి వారుంటారనుకున్నాడేమో

నేనతనికి తెలీదు
అతడంటే నాకేం భ్రమలు లేవు
పనిచెయని క్షణం లేదు
పైసా తీసుకున్న సందర్భం లేదు
నాకెప్పుడూ చదువు చెప్పలే
ఏకలవ్య శిష్యరికం చేయలే

అతనే నా గురువు
నాకు చదువు చెప్పలేదు
నేనతనిని చదివాను.....
జీతాలకు పని చేయలే
జీవితమై నిలిచాడు
He
never answered my questions
He
is only answer for every thing
ఎప్పుడూ కలవకున్నా
ఎప్పటికీ కలవ లేమని తెలిసినా
మౌనమంటే
మాట్లాడకపోవడం కాదన్న
రమణ మహర్షి
He is my teacher
.....  *వీరా గుడిపల్లి*

11
ఇది వీరా గుడిపల్లి కవిత
28082020
Schools opened
*******************
దేశమంటే మట్టి కాదోయ్
గురజాడ మా అడుగు జాడ

ఆన్లైన్ లోకంలో
అర్థం మారిందా

బడి పంతులు లాప్ టాప్ లో
పిల్లల జాడలు

Zoom లో
తల్లి దండ్రుల తాపత్రయం

జియో మీట్ యాప్ లో సన్నిహిత సలహాలు

గూగుల్ మీట్ సమావేశంలో అధికారుల ఆదేశాలు

అడివై ఎదిగిన ప్రాంగణాల్లో
శాంతి కుటీరపు మౌనయోగులైన ఉపాధ్యాయుల మనసంతా దేవులాట
అయోమయం ఐతే కావచ్చు
అంతా భ్రాంతై కన్పించొచ్చు
యూ ట్యూబ్ అబద్దం కాదు...

రేపటి పాఠశాలలు తెరుచుకున్నాయి.
మూడో కన్ను కథ  గాదని ఋజువై పోయింది
పాఠశాలలు తెరిచారు
పాఠశాలలు తెరుచుకున్నాయి
పిల్లలు తెరలపై
పంతుల్లకు
కనీసం కనిపిస్తున్నారు
Schools opened

...... వీరా గుడిపల్లి
12
ఇది వీరా గుడిపల్లి కవిత
29082020
ఇంటికొచ్చిన బడి
********************
మాయా దర్పణం
మాకు పాఠాలు చెబుతుంది
పాఠశాలకు పోవద్దంటుంది
మాస్టార్లు మా ఇంటి ముందు
మాస్కులతో నిలుచున్నారు
వర్క్ షీట్స్ వారి చేతుల్లో
సందేహాలకే సందేహం వస్తుంది
పాజిటివ్ అంటేనే భయం
అందరికీ నెగెటివ్ రావాలనే కోరిక
నాడు వద్దని చెప్పిన మొబైల్
కొనాల్సిందేనని కోరుతున్నారు
అప్పుడు తప్పన్నారు
ఇప్పుడు తప్పదంటున్నారు
ఎప్పటికెయ్యది ప్రస్తుత
మప్పటికామాటలాడమన్న బద్దెన యాదికొస్తుండు
బడి యాడుంది
నేనేడుంటె అక్కడనే బడి
మిరప చేనుకు ముందు పెడుతుంటే
మెన్సురేషన్ పాఠం వస్తుందని
మొబైల్ లో చూడమని మాథ్స్ టీచర్ ఫోన్
ఇప్పుడు నేనో వీఐపీని
వీరా గుడిపల్లి లెక్కల సార్
విజయా మేడమ్ ఫిజిక్స్
తెలుగు బాలయ్య సార్
హిందీ భాస్కర్ రెడ్డి గారు
ఇంగ్లీష్ వినమని కరుణా మేడం
నేను ఫోన్ ఎత్తేదాక చేస్తూనే ఉంటారు
మా అమ్మ నాయినకు పెద్ద సారు
ఒకటే ఫోన్లు
సదువేందోగని సార్లైతె సాంతం ఫోన్లతోనే
బడికి బోయేది ఇదివరకు
గిప్పుడు
బడి మాయింటికి వచ్చింది
నా సుట్టు దిరుగుతుంది
.......... కాలం
యెప్పుడు ఒక్కతీరుగుంటాది.
చదువుకుంటా... యెంత కష్టమైన సరే
....... వీరా గుడిపల్లి
13
ఇది వీరా గుడిపల్లి కవిత
30082020
గట్లబాయె
****************
గట్లబాయె

పాణంబోతే పోయింది
పాడెనన్న మోద్దామనుకున్నా
ఎంత పావురముంటేంలాభం
ఎంతుంటేం లాభం

కండ్లముందలి పోరగాడు
ఆస్పత్రి నుంచి మళ్ళరాలే
ఆళ్ళే తగలబెడతమన్నరు
మాకసలే ఇయ్యమన్నరు

పోరగాళ్ళేడ్వ బట్టిరి
కట్టుకున్నదాని గోస కండ్ల గనబడుతుంది.

గా ఒక్క రోజు దావత్ల దినకబోతేమైతుండె
పాజిటివ్ పాలబడె.
యెవళేమనుకుంటరు?
అనుకుంటరనుకున్నోళ్ళెవరన్న ...
ఆన్తోని బోయిండ్రా

ప్రాణం బోతె బాయె
పాడె మోద్దామనుకున్న , ఆడంటె అంత ప్రేమ
దావత్లకు ,వద్దంటే పిలిచే టోళ్ళకు పాణమంటె భయం లేకుండొచ్చునా
ఫ్యామిలీ పై ప్రేమ లేకుండొచ్చునా
...... వీరా గుడిపల్లి
14
ఇది వీరా గుడిపల్లి కవిత
01092020
ప్రణబ్
****************----
రాయాలని కాదు గానీ
రాయకపోతే తప్పైపోతుంది
పన్నేండేళ్ళముందు కళ్ళు తెరిచి
డెబ్బై మూడేళ్ల తరువాత ముగిసిన
నీఎనబయ్యైదేళ్ళ ప్రస్థానం
ముగిసిందనుకోను.
యాంటీ బయోటిక్స్ లా పనిచేసి
కమ్యూనిటీలో ఇమ్యూనిటీ పెంచి
యాంటీ బాడీస్ డెవలప్ చేసిన
నీ పనితనం
యెవరెలా గుర్తుంచుకుంటారోగాని
ప్రధానిగా ఒకరు, రాష్ట్ర పతిగా ఒకరు
నూతన వెలుగులకు కేంద్రమైంది వాస్తవం
కుడియెడమై ఫలితాలు పొందారన్నది
జనం టాక్
ఐతేనేం....... సాధించారు.
ఏదీ ఎవరి సొంతం కాదని నిరూపించారు
భారత రత్నమా!!!!! జోహార్
..........వీరా గుడిపల్లి
15
ఇది వీరా గుడిపల్లి కవిత
06092020
మన కాళోజీ
********************
కరువుకు చిరునామాగా మారి
చిలుకలు వాలనిచోటు
ఓ ఇంజనీరు పుణ్యమా అని కలకలలాడింది.
ఆంగ్లేయుడైతేనేం
అతను కలగన్నది హరితలోకం
మిగులు లెక్కల్తో మేల్కొని
రంగులద్దుకుని
కప్పుకున్న నాగరికపు కంబళ్ళు
అమాయకత్వం
ఆత్మీయ బంధాలకు నెలవై
మనసున్న మనుషులున్న నేలపై
కన్నేసి
కాజేశి,కబళిస్తున్న వేళ
వంచనకు గురైన వనరులు
దోపిడి పాలైన భాష
అన్నీ కోల్పోతున్నా అసలేమెరుగక
కావాటాలు
బ్లాకైపోయిన గుండెలు
కాలేకడుపుల గొడవంతా
తన గొడవని ...
పని పట్టాల్సి వస్తే
పరాయి వాడైనా,పాలివాడైనా
అంతా ఒకటని చాటి
అన్యాయాన్నెదిరించినోడే
నాకు ఆత్మీయుడంటూ
అక్షరాలను మీటిన మానవీయ కోణం
మా కాళోజీ
....... *వీరా గుడిపల్లి*

16
ఇది వీరా గుడిపల్లి కవిత
09092020
దాతృత్వం
******************
తనకవసరం లేదనే కదా
ఆక్సిజన్ మనకిస్తుంది చెట్టు
ఎవడడిగాడని
చందనం పరిమళం పంచుతుంది
నా గొడవంటూ
గోల చేయమని ప్రజలడిగారా కాళోజీని
పాటతో పోరాటం నేర్పమని
గద్దర్ నెవరడిగారు

ఉస్మానియా క్యాంపస్ లో ఉదయించిన కిరణం యేంటని
అభినయ్ నెవరడిగారు
నానీల చిరునామా
గోపీ నడిగారా యెవరైనా

ఉమర్ ఖయ్యాం పానశాల చిరునామా
శ్రీ శ్రీ కవిత్వం
శేషేంద్ర మానిఫెస్టో
ముప్పాళ్ళ రామాయణం
చలం మైదానం
ఠాగూర్ గీతాంజలి
యెవరడిగారని ఇచ్చారు వీళ్ళంతా??
శిబినే గుర్తు పెట్టుకుంటారేం
లోతుల్లో కెల్దాం
దాతృత్వం అంటే ....
గొప్ప కోసం చేసేది కాదు
తెలియకుండా చేసేది
తెగించి చేసేది

మంచి మాటకూడా.....
..... *వీరా గుడిపల్లి*
17
ఇది వీరా గుడిపల్లి కవిత
11092020
పొట్లూరి హరి కృష్ణ గారి పుట్టిన రోజు సందర్భంగా
****************
ఆ(((
నాకు తెలుసు అనని వారున్నారా
చాలా క్లోజ్ అని చెప్పని వారున్నారా
ఒక్క సారి కలిసినా, మాట్లాడినా చాలిక
It would be registered permanently in the mind of him
అనంతపురంలో కలిసింది మొదలు
ఇప్పటి వరకు ఆ రిజిస్ట్రేషన్ expire కాలేదు
అయ్యే అవకాశం కూడా లేదు
విశేషణాల కోసం వెతుక్కోవాల్సిన పనిలేదు
యే విశేషణాలు తూచలేవతనిని
ఉపమానాల కందడు
ఉత్ప్రేక్షలలో ఇమడడు
అతిశయోక్తుల నొప్పడు
కనెక్టివిటీ అన్ లిమిటెడ్
కాంటాక్ట్ నెవర్ closed
Its a rare character
మరో కాపీ లభించదు
Virtual meeting ఐనా సరే ఆసాంతం తానై
కనిపించని ఇరుసు గా కనిపెట్టుకునుండే మన మనసతను,
భాషాభిమానం మానం నాకు కద్దని వట్టి మాటలు చెప్పలేదు
ఖండాంతరాలు దాటిన శ్రమే అందుకు సాక్షి
రక్షణ వేదిక వేసి రక్షా కవచం చుట్టి
తెలుగు పూలతోటకు మాలిగా నిలబడ్డాడు
రాహుల్,చందర్ లాంటి వారల్లుకుపోవడానికి పందిరి గుంజ మాదిరిగా పాతుకుపోయిన నమ్మకమై కనబడతాడు
భాషాభిమానులకతనో దీపస్థంబం
భాషామతల్లికి మొదటి వరుస భక్తుడు
పొట్లూరి...అంటేనే
పొటమరించే నమ్మకం
పోటెత్తిన ఆవేశం
వెరసి యబైయ్యారక్షరాలలో తనో అక్షరం
........ *వీరా గుడిపల్లి*

18
ఇది వీరా గుడిపల్లి కవిత
12092020
సత్యాగ్రహం
**********************
ప్రకృతి ధర్మానికి విఘ్నం కలిగినపుడు
అవాక్కయ్యేలా ,న్యాయమైన ఆగ్రహం

అవసరం లేకున్నా
జిల్లేడాకు తెంపితే కంట్లో పడిన పాలచుక్క
కన్నూమిన్ను కాదనకుండా నడిచేటప్పుడు
తాకుర్రాయి తగిలినట్లు
ఉప్పు పైన పన్ను వేస్తే
మతకలహాలు సృష్టిస్తే
రాయబారాలు విఫలమైతే
పగవాడి పరాభవం కోరకుండా
ధర్మాగ్రహం కనబరచడం
తప్పనలేమది సత్యాగ్రహం.

హేరాం అన్నాడా లేదా అని కాదు
ధర్మాచరణ చూద్దాం
సత్యశోధన చేద్దాం
సత్కర్మలాచరిద్దాం
కళ్ళెర్రబడితే, కాలరెగరాయాల్సి వస్తే
సత్యాగ్రహం పాటిద్దాం.
నడిచింది గాంధీ యుగం
గెలిచింది గాంధీ మార్గం
ఆయుధం పట్టడం తప్పెప్పుడూ కాదు
ఆయుధం  సత్యాగ్రహమవ్వాలి
...... *వీరా గుడిపల్లి*
19
ఇది వీరా గుడిపల్లి కవిత
12092020
క్విట్
***************
వంద సంవత్సరాలు
వంగొంగి సలాం చేశాం
వ్యాపార మంటే నమ్మి
వంచనకు గురయ్యాం

ఝాన్సీ,సైరా, ప్రతాప్, అల్లూరి
మడమ తిప్పని పోరాటాలు
ప్రాంతాలకే పరిమితమైనా
ఆశలు నాటి ఆంకాక్షలను చిగురిపజేశారు
సిపాయిల తిరుగుబాటు
చిదిమేయ బడినా
తుపాకి లేకుండా, రుమాలు వదలకుండా
హింసకు తావివ్వకుండా
దేశమొదిలి పొమ్మని నినదించే ధైర్యం
గుండెల్లో కొలువైన బోసినవ్వుల తాత
పలికించిన నినాదం
క్విట్ ఇండియా
..... *ఇది వీరా గుడిపల్లి కవిత*

20
ఇది వీరా గుడిపల్లి కవిత
15092020
ఆత్మాభిమానం
****************
జుట్టుకు రంగేసుకుంటూ
మొహానికి నవ్వు పులుముకుంటూ
పలకలేని నిజాలను
పంటిబిగువున వత్తి పట్టి
నడకొకరి తీరు
నడతొకరి తీరు
నాదంటూ యేముందసలు
ఆత్మాభిమానమంటే
నీవు నీలా ఉండడమే

అమ్మ కోసం మెడిసిన్
నాన్న కోసం సివిల్స్
యేం చదవాలో తేల్చుకోలేక
నచ్చిన కోర్సు వదులుకున్నాక
దోస్త్ కోసం నచ్చని సినిమా చూసానా
ఇంకేముంది
ఆత్మాభిమానమంటే

తనకేమిష్టమో నని
అదే తినడం
పక్కింటోళ్ళు  కొన్న వెంచర్ లోనే ప్లాటు కొనడం
కొలీగ్ కొడుకు
యూ యస్ వెళ్ళాడని కొడుకు ను యూయస్  పంపించడం
యేముందసలు
ఆత్మాభిమానమంటే
మనమొకరితో పోల్చుకోవడం కాదు

మన బతుకు మనచేతిలో ఉండడం
మనల్ని మనమే శాసించుకోవడం
తెల్లోడి ప్రభావాన్ని దాటలేని
తెల్లబోయిన మానసిక స్థితిని
తట్టి లేపి
స్వదేశీ మీటను మీటితేగదా
ఆత్మాభిమానమంటే తెలిసింది.
నీవు నీలా ఉండడమే ఆత్మాభిమానం
నిన్ను నీవు ఏలుకోవడమే
ఆత్మాభిమానం
..... *వీరా గుడిపల్లి*
21
ఇది వీరా గుడిపల్లి కవిత
15092020
కోవిడ్
********************
అవునలాగే మరి
కాదనడానికేముంది??
కనిపించని వ్యవహారాలు కానరాని కారణాలు
కాలరీల కొలతలు
సమతుల్యత లోపిస్తే
కరోనా కనిపెట్టి దాడిచేసేస్తుంది.
ముసుగేసుకున్న భ్రాంతికి
యెన్ని పేర్లోమరి
ప్రశాంత చిత్తం ఫలితాలను సాధిస్తుంది
కనిపించని వైరస్
కానరాని భయాలు
కలిమిని మింగే శబలాలు
కాటేశాక కూడా తెలీని నైపుణ్యం
కబలిస్తున్నా యేమీ చేయలేని దైన్యం
కరోనా వరమనే చెప్పాలి
కావాలి గాయలేని దైన్యం
కట్టడి చేయలేని అసహనం
రాకపోకలెరుగలేని అచేతనత్వం
ప్రతిక్షణం ప్రమత్తులై ఉండాలనే ఉద్భోద
ఆచరణలో పెట్టగలిగితే అలా
లేకుంటే యేమౌతుందో తెలీదిలా
కొత్త పాఠాలు నేర్పుతూ కోవిడ్

22
ఇది వీరా గుడిపల్లి కవిత
16092020
కుటుంబం
****************
అలా వచ్చి పడ్డానా

అమ్మ
క్షణం వదలకుండా కనిపెట్టుకుంది
చిరాకు పడినా,చీదరించుకున్నా
చిరునవ్వుతో నన్నంటిపెట్టుకునే ఉంటుంది.
యేమాశించిచేసింది

నాన్న
అడిగిందల్లా కాదనకుండా
అడగలేనిదతడే తెలుసుకుని
అవసరాలు తీర్చడానికి తనతో తానే పోటీ పడుతున్నాడు రోజూ
ఏంలాభం తనకి

చెల్లి
అమ్మ చిన్నప్పుడెలా ఉండేదోననే
సందేహానికి సమాధానం తను
నన్ను శాసించేది, నాకోసం దన్నుగా నిలబడేది
తనేం కోరుకుంటుంది?
నవ్వుతూ పలకరిస్తే చాలనుకుంటుంది

తమ్ముడు
నా పై ఈగ వాలినా సహించగలడా
తోడై సాగి ఒక్కడిగా నిలబడ్డామా
నాన్న కళ్ళలో ధైర్యం కనిపించేది
అది అర్ధం కాని కనెక్షన్
పేగు బంధమొ?
ప్రేమ పాశమో?

పేర్లేమైనా???
కుటుంబమంటే
ఇక్కన్నుండే ఎక్కడికైనా
ఎక్కడి నుండైనా ఇక్కడికే
అంటుగొమ్మలుగా విడిపోనంతవరకు
........ *వీరా గుడిపల్లి*
23
ఇది వీరా గుడిపల్లి కవిత
17092020
*******************
అక్షరాలనొలక బోసి
అందమైన కావ్యాలని చెప్పించి
ప్రశంసా పత్రాలతో పైకప్పు వేసుకున్నాడు
ఇప్పుడు చెప్పేవన్నీ నీతులే
రాతలన్నీ ......
అభినందన పత్రాలంటే
అవార్డు లంటే
అయిష్టతెందుకో గానీ

24
ఇది వీరా గుడిపల్లి కవిత
22092020
విశ్వాసుల విజయం
************************
ప్రజాతంత్ర విధానాలు ప్రకాశించిన విశ్వాసం
ప్రజాస్వామ్య భావాలుగా పాదుకొన్న ప్రతీకలు
పవిత్ర గ్రంథం ప్రాతిపదికగా పాలించే కర్తవ్యం పొంది
ధార్మిక పాలనకు దారులు వేసిన వారసత్వం
అల్ ఘజాలీ అన్నట్లు
ధర్మబద్ధమైన అధికారం చలాయించేవరం
ధార్మిక పాండిత్యానికి దాసోహమనే చైతన్యం
న్యాయ విధులు,ధర్మాలను స్త్రీల పక్షపాతిగా చెలాయిస్తూ
సురాజ్యం, స్వరాజ్యం, నడుస్తున్న వేల
స్వయం ప్రకటిత ఖలీఫాలను పట్టించుకోని లోకం
విదేశీ అధికారం  తమ విశ్వాసాలపై దాడి చేసి నమ్మకాన్ని రద్దు చేస్తే
కళ్ళెర్ర జేసిన సందర్భం ఖిలాఫత్ ఉద్యమం.
మతవిశ్వాసాలను మంటగలపాలనిజూసిన
రవి అస్తమించని సామ్రాజ్యం
ప్రజాగ్రహానికి భీతిల్లక తప్పలేదు.
ఆంగ్లేయుల కుతంత్రాలకు బలై
నిషేధింఛబడిన ఓ విశ్వాసం పట్ల
విశ్వాసం ప్రకటించిన ఓ నిరసనోద్యమం
స్వాతంత్ర్య కాంక్షకు ఊపిరులూదిన
ఖిలాఫత్ ఉద్యమం
నమ్మకాలనపహాస్యం చేస్తే అంతేమరి
...... *ఇది వీరా గుడిపల్లి కవిత*
25

ఇది వీరా గుడిపల్లి కవిత
22092020
జ్ఞాపకాలు (8 వ దశకం )
బాల్యం
***********
ఒక్క మాట తో
ఒక్క ముచ్చటతో
ఒక్క కవితతో ఒడిశే ముచ్చట కాదు
యాదికొచ్చిన చిన్న సంగతొక్కటి చెప్తా .. సరేనా
***"

ఖాళీ క్వార్టర్ బాటిల్ లో గ్యాస్ నూనె నింపి
మూత కొక్క పొక్క జేసి  గుడ్డపేల్కె వత్తి జేసి
అంటుబెట్టినంక
సుట్టగూసోని .... సదివేటోళ్ళం

ఎక్కదీపం వచ్చినాక ,ఎంతబాగుండేదో ?
రోజూ మాపడ్జాము, గుడ్డతోని తూడ్శినంక
సుద్దతోని రాశి కడ్గి, ఆరబెట్టి
పొద్దుగూకినంక.. ముట్టిచ్చేది

నక్రేకల్ అంగట్లో కందిని దెచ్చినపుడు
మస్తు ఎలుగొచ్చేది.
గ్యాస్ నూనె ఎక్కువ తాగుద్దని
అప్పుడప్పుడెలిగించేది.

పండగ పబ్బాలప్పుడు, పెండ్లీలకు
రామనర్సయ్యింటికాడ
పెట్రోమాక్స్ .. లైటు దెచ్చి
బుగ్గసంచి బిగ్గెరగట్టి, బుస్స బుస్స గాలిగొడ్తె
భాగ్గు మనేది.

దేవుని షావను దీస్తే.. దీటీలను జేసెటోల్లు
నూనెగుప్పినప్పుడల్ల.. ఎగిరిపడేమంటవల్ల
దారంతా గనపడేది

ఇంటింటికి కుంపటుండి
నిప్పడుగుట నిప్పిచ్చుట.. ఘనాపాటి కార్యమపుడు
జకమొకసంచులు నడుముకు చుట్టకోని తిర్గేది
సుట్టగాల్సుకోనీకి సుతారంగ దీసేది

ఎన్ని.. జ్ఞాపకాలో... సంధికాలపు బతుకుల్లో
ఒడువని ముచ్చట నా బాల్యం
..... *ఇది వీరా గుడిపల్లి కవిత*

26.
ఇది వీరా గుడిపల్లి కవిత
23092020
మ న సు
*********
కనపడదు, వినపడదు
లేదనలేం కాదనలేం
మనిషి ,మనసు వేరనలేం
లక్షణం లాక్షణికం
వేదం, వాదం
మిధ్యా భావనల భ్రమల్లో మధ్య తరగతి

అనవసరమైన దేదైనా
శస్త్ర చికిత్స తో కోసేయక
కధలు జెప్పి కాలమెల్లదీస్తూ దారప్పోగుల రక్షణలో
దౌర్జన్యాల సహవాసం చేసే సాత్విక మహర్షుల పురాణాల సృష్టి
  మనసై విహరిస్తూ మనుషుల్ని మసిచేస్తుంది.
మానవత్వం మాటల్లో చూపిస్తూ
తోటి వారిని తొక్కి పెడుతుంది
మనసు... మనిషి వేరైతే ఐపీఎల్
మనసూ మనిషి ఒకటైతే వన్డే

యేదైనా సరే
దాచుకున్న దారప్పోగు
పరిమళించే హృదయాలకు సంకెళ్లు తగిలిస్తే
మనసొక మోసపు తెర
మనిషొక మౌనభ్రమ
కష్టజీవుల భుజం కమిలినా కుమిలినా
సినిమాగా డబ్బులు రాల్చే మార్గం గా ఉన్నోడికే ఊడిగం
...... వీరా గుడిపల్లి

27
ఇది వీరా గుడిపల్లి కవిత
25092020
కలవో అలవో
***********************
కలవో అలవో వలవో
యెవరివో నీవెవరివో

మనసంతా ముసిరిన వాడా
మనువంటే యొప్పనివాడా

యెలా కమ్ముకున్నావో
యెందుకు నను కలిశావో
నా దారి నాదే నంటూ
నీ దారిలో
సూదంటు రాయిని నాటిన వాడా
యెవరివోయి నీవూ...

కలవో అలవో వలవో..
యెవరివో నీవెవరివో

పచ్చనాకు నచ్చిందంటే
పరవశించడం సహజమనీ

పచ్చనాకు గా మారాలనుకుంటే
పరమ మూర్ఖుడవవుతావనీ

చెప్పిన మాటల
భావం మాకూ...తెలిసే లోపే ...
తెరమరుగైనా తెరువరీ.. నీవెవరూ

కలవో అలవో వలవో
యెవరివో నీవెవరివో...

నన్ను నన్ను గా ప్రేమించీ
తనను తానుగా భావించీ
తన్మయమొందే తనువొకటుండదనీ
తెలియజెప్పిన నేస్తమా...
యెవరు సుమా నీవు

కలవో అలవో వలవో
యెవరివో నీవెవరివో...

ఆకర్షణలను వలగా విసిరే
కృత్రిమ ప్రేమకు ప్రాణం పోసే
కల్తీ జీవుల రక్త సమూహం
కబళిస్తున్నా తెలియగలలేని
అమాయకత్వం ఆగం కాగా
అమ్మానాన్నలు బలియౌతారని
నిజం తెలిపిన మిత్రమా
నిలువుమా...నను నిలుపుమా.....
నేస్తమా....
కలవో ...వలవో.. యెవరివో....
.............. *వీరా గుడిపల్లి*

28
ఇది వీరా గుడిపల్లి కవిత
25092020
బాలూ జాగర్త
*******************
ఈరోజు ఎందుకో
నిద్దర్రావడం లేదు
నీవెల్లి పోయావని కాదు
నీవూ వెళ్లి పోయావని
పాటలదేముంది
జీవితమంతా విన్నా తరగని పాటలు పాడావు
ఇంకేమైనా ఉంటే
యెవరైనా పాడతారు గాని

చేయని స్తుతి లేదు
మోయని దైవం లేడు
యెవరాపలేక పోయారు

పదహారు భాషల్లో పాడినా
అర్థం కాలేదు పట్కపోయినోనికి
పల్లెత్తు మాటెవరిననకుండా సాగినా
వెళ్ళక తప్పలేదు

అక్కడేం చేయాలో
పాటలే పాడాలంటే పరేశానేం లేదు
తిరిగొచ్చినోడు లేడు కదా
మేమొస్తే కనిపిస్తావూ కదూ!!!

బాలూ.....
తప్పని దాని గురించి తన్కులాటెందుకని
అన్పిస్తుంది గాని
నిద్రైతే పడ్తలేదు

నీ పాటే దిక్కు ... నీవు లేకపోయినా
మంచోడివి
యాడికి బోయినా బాగుంటావులే
బాలూ జాగర్త
....,  *వీరా గుడిపల్లి*

29.
ఇది వీరా గుడిపల్లి కవిత
28092020
భగత్ సింగ్
****************************
నేనెందుకు నాస్తికుడి నయ్యాను
నాస్తికత్వాన్ని ఆలింగనం చేసుకోవడం
కాదు ఆవాహనం చేసుకోవడం
యెందుకో.....
అక్షరీకరించిన సందర్భాల్లో
జలియన్వాలాబాగ్ మట్టిని భద్రపర్చుకున్న భావోద్వేగం
పంటలు విలువ తెలిసి
పసితనంలో తుపాకి వనం పెంచాలన్న ఆవేశం
పగవాడిపై బాంబు వేసి
పారిపోకుండా పగతురకు చెమటలు పట్టించిన వైనం
ఉరికొయ్యను ప్రేమించి భరతమాతసేవకంకితమైన జననం
కడదాకా నమ్మిన సిద్ధాంతం వదలని భారతమ్మ ముద్దు బిడ్డ
భగత్ సింగ్ మా ఆవేశం
భగత్ సింగ్ మా స్వాభిమానం
భగత్ సింగ్ మా భావోద్వేగం
భగత్ సింగ్ పాదాలు ముద్దాడిన ఈనేల నా నాకు స్వర్గసీమ
భగత్ సింగ్.... అంటే ప్రతీ భారతీయుని ఆత్మ
...... వీరా గుడిపల్లి
30
ఇది వీరా గుడిపల్లి కవిత
29092020
వచ్చిపోయింది
*********************
అనుకోలేదుమరి
వచ్చిపోయింది, పలకరించి పోయింది
నమ్మలేదసలు
ఆరోజు స్ట్రీట్ నెంబర్ త్రీ పైనే ఓ జల్లు పడింది.
తెల్లారి తెరిపి నిచ్చింది.తెలిసిందపుడే తానొచ్చిందని
ఎటూ వెల్లకుండా తనకూడా గడపాలనుకున్నా.
క్షణం విడవకుండా గడప దాటకుండా
.........
మర్యాదకు మాటరానివ్వలేదు, తనకేం లోటు రానివ్వలేదు
పోషక విలువలు కలిగిన ఆహారం
పోషణకై
బిగ్ బాస్కెట్ ఇంటికొచ్చి ఇచ్చిపోయింది
పండ్లు, కూరగాయలు
కోడిగుడ్లు, మొలకలు, చికెన్ మటన్
అన్నీ క్రమం తప్పకుండా వడ్డించా
ప్రతీ ఉదయం యోగా
తనకోసం పడని శ్రమలేదు

ఐనా నన్ను ప్రేమించలేదు,నాతో ఉండిపోవాలనుకోలేదు
వెళ్లి పోయింది. ఉన్నన్నాల్లు కనిపించలేదు
కనీసం ఓ తుమ్మన్నా రాలే
కాకన్నా అరవలే తాను వస్తున్నట్టు
సుజాత కన్ఫర్మ్ చేస్తే నమ్మాను గానీ

నాకింకా అనిపించడంలే తాను వచ్చి వెళ్లినట్లు
అమితాబ్ ను పలకరించిందంటే అవునా అనుకున్నా
యస్పీ బాలు ను యేకంగా వెంటబెట్టుకొని వెల్లిందంటే వెక్కివెక్కి ఏడ్చా

ఊరంతా పాకిందంటే ... భయపడ్డా
నా ఒంట్లో దూరి నాకు తెల్వకుండా పదిరోజులుండి పోయిందంటే
ఇంకా నమ్మలేక పోతున్నా.

అదేంటో గాని
తానున్నన్ని రోజులు
ఆకాశం యేదో సమయం లో కాసేపు కన్నీరు కార్చేది
తానుందనో,యేమో
వెళ్లి పోయాక ఇప్పటిక వరకు ఒక్కసారి కూడా పలకరించలే
నేనంటే ఇష్టమా తనంటేనా తేల్చుకోలేకున్నా

ప్రపంచ మంతా భయపడి,
మాస్క్ తో మూస్కొంటూ, శానిటైజర్ పూసుకుంటూ
గడప దాటకుండా తలుపులేసుకుంటున్నా
తనను రానివ్వకుండా చూసుకుంటున్నా
లక్షల మందిని పలకరించింది.
వేలమందిని వెంటేసుక పోయింది.
లాక్ డౌన్ పరిచయం చేసి, పోరగాళ్ళకు ఆరునెలలు సెలవులిచ్చి
కనిపించకుండా విశ్వరూపం చూపిస్తున్న తను
పలకరించి పోయిందా నన్ను
వావ్.... అనుకోనా.. వామ్మో అనుకోనా
యేదేమైనా... తనైతే వచ్చిపోయిందట
Certified మరీ ....
బీ పాజిటివ్ బ్లడ్ నాది కానీ
కోవిడ్ టెస్ట్ రిజల్ట్ మాత్రం నెగిటివ్
......... *వీరా గుడిపల్లి*